ەكىباستۇز ماڭىندا پويىز اپاتىنان جۇك كولىگىنىڭ جۇرگىزۋشىسى قايتىس بولدى. بۇل تۋرالى قر ءىىم ءباسپاسوز قىزمەتى ايتتى، دەپ حابارلايدى “ادىرنا” ۇلتتىق پورتالى.
“24 قاڭتاردا ساعات 17:10 شاماسىندا ەكىباستۇز قالاسىنداعى لەسحوز اۋىلىنىڭ ماڭىندا №7 شلاگباۋمى جوق كۇزەتىلمەيتىن تەمىر جول وتكەلىندە 49 جاستاعى جۇك تيەگىش ارنايى تەحنيكاسى ەلەكتروۆوزبەن سوقتىعىسقان”، دەلىنگەن حابارلامادا.
جول اپاتى سالدارىنان جۇك كولىگىنىڭ جۇرگىزۋشىسى العان جاراقاتتارىنان وقيعا ورنىندا كوز جۇمدى.
اتالعان دەرەك بويىنشا تەرگەۋ امالدارى جۇرگىزىلىپ جاتىر. اكىمدىكتىڭ مامانداندىرىلعان اۆتوتۇراعىنا جۇك تيەگىش، دەپوعا ەلەكتروۆوز قويىلدى.
