جاڭاوزەندە استانادا نارازىلىق اكتسياسىنا شىققان مۇنايشىلار جاڭا ۆيدەو ۇندەۋ جولدادى، دەپ حابارلايدى “ادىرنا” ۇلتتىق پورتالى.
مۇنايشىلار ءساۋىردىڭ 10-نان بەرى شەرۋلەر، ميتينگىلەر، ەرەۋىلدەر وتكىزۋدە.
جاڭا ۆيدەودا ولار ءوز تالاپتارى بويىنشا شەشىم قابىلدانعانشا «وزەنمۇنايگاز» («قازمۇنايگاز» ەنشىلەس كاسىپورنى) كەڭسەسىندە بولاتىنىن مالىمدەگەن.
ەسكە سالايىق، 10 ساۋىردە مۇنايشىلار استاناعا قمگ باس
كەڭسەسىنە كەلگەن، سول كۇنى كەشكە جۇمىسشىلاردىڭ ءبىر بولىگىن جەرگىلىكتى پوليتسيا ۇستاعان بولاتىن. ۇستالعاندار تۋرالى حاباردان كەيىن مۇنايشىلار استاناداعى ارىپتەستەرىن بوساتۋدى تالاپ ەتىپ، جاڭاوزەن كوشەلەرىنە شىقتى.
ءساۋىردىڭ 13-ءى كۇنى مۇنايشىلار ستانسالاردىڭ بىرىندە ۇكىمەتكە جولدانعان ۆيدەو ۇندەۋدى ءتۇسىرىپ العان.