كونستيتۋتسيادان قازاقستاننىڭ ۆيتسە-پرەزيدەنتى تۋرالى نورما الىنىپ تاستالۋى مۇمكىن. بۇل تۋرالى ادىلەت ءمينيسترى ازامات ەسقاراەۆ ايتتى، دەپ حابارلايدى “ادىرنا” ۇلتتىق پورتالى.
ءماجىلىس الاڭىندا جۋرناليستەر ادىلەت مينيسترىنە “بۇل نورما كونستيتۋتسيادا نەلىكتەن ءالى كۇنگە دەيىن بار جانە ول الىنىپ تاستالا ما؟” دەگەن ساۋال قويدى، دەپ حابارلايدى “ادىرنا” ۇلتتىق پورتالى.
«بۇل جاڭالىق ەمەس. بۇل نورما 1993 جىلعى كونستيتۋتسيادا بولدى. 1995-1996 جىلدار ارالىعىندا پرەزيدەنتتىك قايتا سايلاۋ بولعان كەزەڭدە بۇل نورما ادەيى وتپەلى جاعدايدا قالدىرىلدى.
قازىر كونستيتۋتسيا بويىنشا بىزدە ونداي ۇستانىم جوق. زاڭناما دامىعان سايىن بۇل ماسەلە شەشىلەتىن بولادى. بالكىم، مۇنداي نورمانى كونستيتۋتسيادان الىپ تاستاۋ قاراستىرىلاتىنىن جوققا شىعارمايمىن»، - دەپ جاۋاپ بەردى ەسقاراەۆ.
ايتا كەتەيىك، قازاقستان كونستيتۋتسياسىنىڭ 94-بابىندا ءالى دە ۆيتسە-پرەزيدەنت تۋرالى ايتىلعان. ەلىمىزدە ۆيتسە-پرەزيدەنت لاۋازىمى 1991-1996 جىلدار ارالىعىندا عانا بولعان. بۇل قىزمەتتى اتقارعان العاشقى جانە جالعىز ادام – ەرىك اسانباەۆ. ول 2004 جىلى دۇنيەدەن ءوتتى.
