شىعىس قازاقستان وبلىسى ريددەر قالاسىنداعى جىلۋ ەلەكتر ورتالىعىندا ەكى كۇندە 3 اقاۋ شىقتى. بۇل تۋرالى «ريددەر جەو» اق ءباسپاسوز قىزمەتى ءمالىم ەتتى، دەپ حابارلايدى “ادىرنا” ءتىلشىسى.
ءبىرىنشى اقاۋ 22 ءساۋىر كۇنى شىققان.
«وتىن بەرۋ تراكتىندا اقاۋ بولىپ، ونى جوندەۋگە 9 ساعات ۋاقىت كەتتى. ال 23 ساۋىردە №4 قازاندىق اپاتتىق جاعدايدا ءوشىرىلدى. بىردەن رەزەرۆتە تۇرعان ەكىنشى قازاندىق ىسكە قوسىلدى. بىراق بەس ساعاتتان كەيىن ەكىنشى قازاندىقتا دا اقاۋ بولدى. ماماندار شۇعىل تۇردە قالپىنا كەلتىرۋ جۇمىستارىن قولعا الدى»، - دەلىنگەن حابارلامادا.25 ساۋىردە بەسىنشى قازاندىق قايتا ىسكە قوسىلعان. قازىر ورتالىقتا ەكى ورتا قىسىمدى قازاندىق جۇمىس ىستەپ تۇر. ايتا كەتەيىك، ناۋرىزدا شىعىس قازاقستان وبلىسىنىڭ اكىمى ريددەردەگى جىلۋ ەلەكتر ورتالىعىندا ەكى قازاندىقتان ءورت شىققانىن حابارلاعان بولاتىن. دانيال احمەتوۆ ستانسانىڭ جاڭا يەلەرىن تەحنولوگيالىق بۇزۋشىلىقتار جاسادى دەپ ايىپتادى. سونداي-اق، 23 ناۋرىزدا ريددەر جەو №6 قازاندىق ايماعىنداعى جانارماي بەرۋ گالەرەياسىندا كومىر شاڭى جارىلدى. جارىلىس تولقىنى شامامەن 80 شارشى مەتر قورشاۋ قۇرىلىمدارىن قيراتتى.
ۇقساس جاڭالىقتار
