استرونومدار بۇرىن-سوڭدى بولماعان ەڭ ۇلكەن عارىشتىق جارىلىستى انىقتادى. بۇل تۋرالى BBC جاريالادى، دەپ حابارلايدى “ادىرنا” ۇلتتىق پورتالى.
جارىلىس تۇنگى اسپانداعى ەرەكشە جارقىراۋدان باستالعان. بىراق مۇقيات تەكسەرگەننەن كەيىن استرونومدار بۇرىن-سوڭدى بايقالماعان ەڭ ۇلكەن عارىشتىق جارىلىستى تۇسىرگەنى بەلگىلى بولدى. وعان الىپ گاز بۇلتىنىڭ اسا ءماسسيۆتى قارا قۇردىم جۇتىپ قويۋى سەبەپ بولعان دەگەن بولجام بار.
8 ميلليارد جارىق جىلى قاشىقتىقتا باقىلاناتىن جارىلىس كەز كەلگەن بەلگىلى سۋپەرنوۆادان 10 ەسە ارتىق جانە ءۇش جىلدان استام ۋاقىتقا سوزىلدى. بۇل بۇرىن-سوڭدى تىركەلگەن ەڭ قۋاتتى جارىلىس بولدى.
ء"بىر جىل ىشىندە ونىڭ بىرتە-بىرتە جارقىراعانى بايقالماي قالدى. ءبىز بۇل كۇن جۇيەسىنەن 100 ەسە ۇلكەن وتتى شار دەپ ەسەپتەيمىز. ءۇش جىلدا بۇل وقيعا 10 جىلداعى كۇننەن 100 ەسە كوپ ەنەرگيا ءبولدى»،- دەدى ساۋتگەمپتون ۋنيۆەرسيتەتىنىڭ استرونومى فيليپ ۋايزمان
عالىمداردىڭ پايىمداۋىنشا، AT2021lwx دەپ اتالاتىن جارىلىس ۇلكەن گاز بۇلتىنىڭ قارا قۇردىمعا جۇتىلۋىنىڭ ناتيجەسىنەن بولعان سياقتى. گاز بۇلتى ادەتتە قارا تەسىكتەردى قورشاپ تۇراتىن ۇلكەن، شاڭدى شەڭبەردەن پايدا بولۋى مۇمكىن.
