Astronomdar buryn-sońdy bolmaǵan eń úlken ǵaryshtyq jarylysty anyqtady. Bul týraly BBC jarııalady, dep habarlaıdy “Adyrna” ulttyq portaly.
Jarylys túngi aspandaǵy erekshe jarqyraýdan bastalǵan. Biraq muqııat teksergennen keıin astronomdar buryn-sońdy baıqalmaǵan eń úlken ǵaryshtyq jarylysty túsirgeni belgili boldy. Oǵan alyp gaz bultynyń asa massıvti qara qurdym jutyp qoıýy sebep bolǵan degen boljam bar.
8 mıllıard jaryq jyly qashyqtyqta baqylanatyn jarylys kez kelgen belgili sýpernovadan 10 ese artyq jáne úsh jyldan astam ýaqytqa sozyldy. Bul buryn-sońdy tirkelgen eń qýatty jarylys boldy.
"Bir jyl ishinde onyń birte-birte jarqyraǵany baıqalmaı qaldy. Biz bul Kún júıesinen 100 ese úlken otty shar dep esepteımiz. Úsh jylda bul oqıǵa 10 jyldaǵy Kúnnen 100 ese kóp energııa bóldi»,- dedi Saýtgempton ýnıversıtetiniń astronomy Fılıp Ýaızman
Ǵalymdardyń paıymdaýynsha, AT2021lwx dep atalatyn jarylys úlken gaz bultynyń qara qurdymǵa jutylýynyń nátıjesinen bolǵan sııaqty. Gaz bulty ádette qara tesikterdi qorshap turatyn úlken, shańdy sheńberden paıda bolýy múmkin.
