«ەل ەرتەڭى - قازاق تىلىندە». ءبىرىنشى سىنىپ وقۋشىلارىنىڭ 70%-ى مەملەكەتتىك تىلدە ءبىلىم الادى

2222
Adyrna.kz Telegram
https://adyrna.kz/content/uploads/2023/08/7f86a0f8-c328-406d-9e9f-504f1d9025e9.jpeg
ەلىمىزدە ءبىرىنشى سىنىپ وقۋشىلارىنىڭ 70%-ى مەملەكەتتىك تىلدە ءبىلىم الۋدى تاڭداعان، دەپ حابارلايدى “ادىرنا” ءتىلشىسى. جاڭا 2023-2024 وقۋ جىلىندا 3,9 ميلليون وقۋشى مەكتەپتە ءبىلىم الماق. ونىڭ ىشىندە 364 مىڭ بالا ءبىرىنشى سىنىپقا قابىلدانىپ، مەكتەپ تابالدىرىعىن العاش رەت اتتايدى. بالالاردىڭ 70 پايىزعا جۋىعى مەملەكەتتىك تىلدە وقۋدى تاڭداعان. بۇل تۋرالى وقۋ-اعارتۋ مينيسترلىگىنىڭ telegram پاراقشاسىندا جاريالاندى. «ءبىرىنشى سىنىپقا قابىلدانۋشى وقۋشىلار اسىرەسە، الماتى قالاسىندا، تۇركىستان جانە الماتى وبلىستارىندا كوپ. سونداي-اق، بالالاردىڭ مەملەكەتتىك تىلدە ءبىلىم الۋى بويىنشا شىمكەنت قالاسى، تۇركىستان جانە الماتى وبلىستارى كوش باستايدى»، - دەلىنگەن تاراتىلعان اقپاراتتا. وتكەن جىلدارى بالالاردىڭ 64 پايىزى قازاق تىلىندە ءبىلىم الۋدى تاڭداعان. ال قازاقستاندا بيىل 7,7 مىڭ ورتا ءبىلىم بەرۋ ۇيىمى جۇمىس باستاعان.
پىكىرلەر