قازاقستان رەسپۋبليكاسىنىڭ ىشكى ىستەر مينيسترلىگىنىڭ قىلمىستىق-اتقارۋ جۇيەسى كوميتەتى سەرىك كۇدەباەۆتىڭ كامەرادا داستارحان باسىندا وتىرعان سۋرەتىنە قاتىستى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى Ulysmedia.kz سايتىنا سىلتەپ.
اقپاراتقا سايكەس، سەرىك كۇدەباەۆ ىشكى ىستەر مينيسترلىگىنىڭ بۇيرىعىمەن (17.11.2014 ج. № 819) بەكىتىلگەن ىشكى ءتارتىپ ەرەجەلەرىنە سايكەس «ارنايى بولىنگەن ءۇي-جايدا تاماقتانۋعا قۇقىلى».بۇل ەرەجەدە قىلمىستىق-اتقارۋ جۇيەسى مەكەمەلەرىندە ۇستالاتىن سوتتالعانداردىڭ ازىق-تۇلىكتى سالەمدەمەلەردەن، جونەلتىلىمدەردەن نەمەسە جاقىن تۋىستارىمەن كەزدەسۋ كەزىندە الۋعا بولاتىنى كوزدەلگەن. سونداي-اق ولاردىڭ بوس ۋاقىتىندا جاساقتاردىڭ ارنايى بولىنگەن ءۇي-جايلارىندا تاماقتانۋعا قۇقىعى بار. بۇل ەرەجەلەر قىلمىستىق-اتقارۋ جۇيەسى
مەكەمەلەرىنىڭ بارلىق تۇرلەرىنە قولدانىلادى.
سونداي-اق، كوميتەت سەرىك كۇدەباەۆقا ازىق-تۇلىكتى ونىڭ تۋىستارى جەتكىزگەنىن العا تارتادى. ولار الدىن الا تەكسەرۋ ناتيجەسىندە تىيىم سالىنعان ونىمدەردىڭ، ونىڭ ىشىندە الكوگولدىك سۋسىندار تابىلماعانىن باسا ايتادى.
دەگەنمەن، سوتتالۋشىنىڭ ۇستىنەن تەلەفون پايدالانعانى جانە كامەرانىڭ وبەكتيۆىن بۇعاتتاۋ فاكتىسى بويىنشا قىزمەتتىك تەرگەۋ باستالدى.
بۇل وقيعا قوعامدىق رەاكتسيانىڭ كۇشەيۋىنە جانە قازاقستانداعى قاماۋ جاعدايلارىن، سونداي-اق جازالاۋ جۇيەسىندەگى زاڭدار مەن ادىلەتتىلىك پرينتسيپتەرىن ساقتاۋ ماسەلەلەرىن تالقىلاۋعا اكەلدى.
ايتا كەتەيىك، بۇعان دەيىن سەرىك كۇدەباەۆتىڭ جەلىدە تاراعان سۋرەتىن جاريالاعان ەدىك.
