لەنين ەسكەرتكىشىن جوندەۋگە اقشا بولگەن شىعىس قازاقستان وبلىسى التاي اۋدانىنىڭ اكىمى ەرنار مۇستافين ءوز ەركىمەن قىزمەتىن بوساتتى. بۇل تۋرالى ول ءوزىڭىڭ Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
ول 2022 جىلدىڭ قىركۇيەك ايىندا التاي اۋدانىنىڭ اكىمى بولىپ تاعايىندالعان بولاتىن. وسى لاۋازىمدا ءبىر جىلعا جۋىق قىزمەت ەتكەن ول ءوز ەركىمەن جۇمىستان شىعۋعا ءوتىنىش بەرگەن.
“التاي اۋدانىنىڭ اكىمى لاۋازىمىنداعى قىزمەتىمدى اياقتاپ جاتىرمىن. مەن تەز جانە كەيدە ەرەكشە شەشىمدەر تابۋعا تىرىستىم جانە ارقاشان سىزدەردىڭ قولداۋلارىڭىزدى سەزىندىم. اۋداندا جينالىپ قالعان ماسەلەلەردىڭ ءبىرازى شەشىلدى، باسقالارىنا ءبىراز ۋاقىت كەرەك. ارداگەرلەر كەڭەسىنە، اقساقالدارعا، دەپۋتاتتارعا، بۇقارالىق اقپارات قۇرالدارىنىڭ وكىلدەرىنە، كاسىپكەرلەرگە، ارىپتەستەرگە، بارشا تۇرعىندارعا قولداۋ ءبىلدىرىپ، تۇسىنىستىك تانىتىپ، ىقىلاس تانىتقانى ءۇشىن ىقىلاسىمدى بىلدىرەمىن جانە ەرەكشە العىس ايتامىن. جالپى، ماعان تاماشا ادامدارمەن، ارىپتەستەرمەن جۇمىس ىستەۋ باقىتى بۇيىردى. اۋدان تۇرعىندارىنىڭ يگىلىگى ءۇشىن يدەيالار مەن جوبالاردى جۇزەگە اسىرۋدى جالعاستىرۋلارىڭىزعا شىن جۇرەكتەن تىلەكتەسپىن. التاي اۋدانىندا جۇمىس ىستەگەن كەزەڭنەن جىلى ەستەلىكتەر قالادى. بارشاڭىزعا زور دەنساۋلىق، اماندىق، ساتتىلىك جانە اۋداننىڭ ودان ءارى وركەندەۋىن تىلەيمىن”، دەپ جازدى ەرنار مۇستافين.
شىعىس قازاقستان وبلىسى اكىمى اپپاراتىنىڭ باسشىسى ەربول نۇرعاليەۆتىڭ ايتۋىنشا، ايماق باسشىسى ەرمەك كوشەرباەۆ بۇل وتىنىشكە قول قويدى. ەندى ونىڭ ورنىنا التاي اۋدانى اكىمىنىڭ مىندەتىن رەنات قۇرمامباەۆ اتقارادى.
