الماتىدا ايەل مەن ونىڭ كامەلەتكە تولماعان ەكى بالاسىن ءولتىرىپ، كەيىن ءۇيىن ورتەپ جىبەرگەن كۇدىكتى ۇستالدى، دەپ حابارلايدى «ادىرنا» ءتىلشىسى.
«جەدەل-ىزدەستىرۋ ءىس-شاراسى بارىسىندا 1982 جىلعى الماتى قالاسىنىڭ تۇرعىنى انىقتالىپ، ۇستالدى. اتالعان دەرەك اۋداندىق پوليتسيادا قر قك-ءنىڭ 99-بابى 2-بولىگىنىڭ 1-تارماعى (ەكى نەمەسە ودان دا كوپ ادامدى ءولتىرۋ) جانە 99-بابى 3-بولىگى (جاس بالانى ءولتىرۋ) بويىنشا تىركەلدى. قازىرگى ۋاقىتتا تۇپكىلىكتى ءىس جۇرگىزۋ شەشىمىن قابىلداۋ ءۇشىن بارلىق قاجەتتى ساراپتامالاردى تاعايىنداۋمەن تەرگەۋ ءىس-شارالارى جۇرگىزىلىپ جاتىر»،— دەدى الماتى وبلىسى پد باستىعى باۋىرجان الەنوۆ.ۇستالعان ادام اۋداندىق پوليتسيا ۋاقىتشا ۇستاۋ يزولياتورىنا قامالدى. ەستەرىڭىزگە سالا كەتەيىك، 14 قىركۇيەكتە ساعات 23:24 شاماسىندا الماتى وبلىسى ىلە اۋداندىق پب-عا اششىبۇلاق اۋىلىنداعى ۇيلەردىڭ بىرىنەن ك. ەسىمدى تۇرعىن مەن ونىڭ ەكى كامەلەتكە تولماعان بالاسىنىڭ دەنەلەرى تابىلعاندىعى تۋرالى اقپارات كەلىپ تۇسكەن ەدى. كۇدىكتى قىلمىستى جاسىرۋ ماقساتىندا ءۇيدى ورتەپ جىبەرگەن.
ۇقساس جاڭالىقتار
