استانادا دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق ايماقتىق كوميتەتىنىڭ (ERC) 73-سەسسياسى بارىسىندا ەكى جىلدىق ىنتىماقتاستىق تۋرالى كەلىسىمگە قول قويىلدى، دەپ جازادى "ادىرنا".
دەنساۋلىق ساقتاۋ مينيسترلىگىنىڭ ءباسپاسوز قىزمەتى قارجىنىڭ نە ءۇشىن جۇمسالاتىنىن ءتۇسىندىردى:
- مەديتسينالىق قىزمەتكەرلەردىڭ الەۋەتىن ارتتىرۋ ءۇشىن حالىقارالىق ۇيىمنىڭ ساراپتامالىق، ادىستەمەلىك جانە تەحنيكالىق قولداۋىن قامتاماسىز ەتۋ;
- انالاردىڭ، جاڭا تۋعان نارەستەلەردىڭ، بالالار مەن جاسوسپىرىمدەردىڭ دەنساۋلىعىن ساقتاۋ;
- ونكولوگيالىق جانە باسقا دا جۇقپالى ەمەس اۋرۋلارمەن، اقتق، جيتس، تۋبەركۋلەزبەن كۇرەسۋ;
- مەديتسينالىق كادرلاردى دايارلاۋ;
- حالىقپەن اقپاراتتىق جۇمىس.
قازاقستان رەسپۋبليكاسىنىڭ دەنساۋلىق ساقتاۋ ءمينيسترى اجار گينيات وتكەن ەكى وقيعانىڭ – العاشقى مەديتسينالىق-سانيتارلىق كومەك كورسەتۋ جونىندەگى جاھاندىق كونفەرەنتسيانىڭ جانە ددۇ ەۋروپالىق ايماقتىق كوميتەتىنىڭ 73-ءشى سەسسياسىنىڭ ەرەكشە ماڭىزدىلىعىن اتاپ ءوتتى، وندا 80 مەملەكەتتىڭ دەنساۋلىق ساقتاۋ مينيسترلەرى، ددۇ ساراپشىلارى مەن ماماندارى قاتىستى.
