اباي وبلىسىنىڭ اكىمدىگى اياگوز قالاسىندا بولعان جانتۇرشىگەرلىك تراگەديا تۋرالى اقپاراتتى رەسمي تۇردە راستادى، دەپ حابارلايدى “ادىرنا” ۇلتتىق پورتالى abainews.kz پورتالىنا سىلتەپ.
بەلگىلى بولعانداي، 25 قازان كۇنى ساعات 10:49-دا توتەنشە جاعدايلار دەپارتامەنتىنىڭ كۇشتەرى مەن قۇرالدارىنا ورتالىق باسقارۋ ورتالىعىنا اياگوز قالاسىنداعى جەكە ۇيلەردىڭ بىرىندە ءتۇتىن شىققانى تۋرالى سيگنال كەلىپ تۇسكەن. 6 ادامنان تۇراتىن قۇتقارۋ توبى دەرەۋ وقيعا بولعان ورىنعا جەتكەن.
ءورت سوندىرۋشىلەر كەلگەن كەزدە بولمەلەردىڭ بىرىندە (جاتىن بولمە) 20 شارشى مەتر اۋماقتا جيھاز جانە جەكە زاتتار جانىپ جاتىر. ءورت ءسوندىرۋ بولىمشەلەرى ءورتتى ساعات 11:10-دا انىقتاپ، 11:24-تە ءسوندىردى. ءتۇتىننىڭ شىعۋ سەبەبى انىقتالۋدا، - دەلىنگەن حابارلامادا.
ءورتتى ءسوندىرۋ كەزىندە قۇتقارۋشىلار ءتورت بالانىڭ دەنەسىن تاپتى.
پوليتسيا وقيعانىڭ ءمان-جايىن انىقتاۋعا كىرىستى، ولاردىڭ ءولىمىنىڭ سەبەبى انىقتالۋدا. ءتيىستى ساراپتاما تاعايىندالدى.
وبلىس اكىمدىگى قازىرگى تاڭدا وتباسى مۇشەلەرىنە بارلىق قاجەتتى كومەكتەر كورسەتىلىپ جاتقانىن، جاعداي جەرگىلىكتى اتقارۋشى ورگانداردىڭ باقىلاۋىندا ەكەنىن باسا ايتتى.
