قازاقستاندىق بوكسشى سۇلتان زاۋربەك (15-0, 11 كو) برايتوندا (انگليا) وتكەن بوكستا ارگەنتينالىق بوكسشىمەن جۇدىرىقتاسىپ، جەڭىسكە جەتتى، دەپ حابارلايدى Sports.kz-كە سىلتەمە جاساپ.
سۇلتان زاۋربەك ارگەنتينالىق سەرحيو مارتين سوسامەن (13-3, 3 كو) جەكپە-جەككە ءتۇستى. بۇل دودا ەكىنشى جەڭىل سالماقتا ءوتىپ، قازاقستاندىق بوكسشىنىڭ جەڭىسىمەن اياقتالدى. بوكسشى قارسىلاسىن التىنشى راۋندتا تەحنيكالىق نوكاۋتقا ءتۇسىردى، وعان دەيىن ارگەنتينالىق قارسىلاسى ەكى رەت نوكداۋن الدى.
وسىلايشا، سۇلتان زاۋربەك كاسىپقوي مانسابىنداعى 16-جەڭىسىنە قول جەتكىزسە، سەرحيو مارتين سوسا ءتورتىنشى رەت جەڭىلدى.
بۇعان دەيىن زاۋىربەك WBO «ەۋروپالىق» جانە WBC جاستار بەلبەۋىن جەڭىپ العان بولاتىن.
سونداي-اق شەتەلدىك جۋرناليستەر مەن كوممەنتاتورلار سۇلتان زاۋربەكتى «جاڭا گەننادي گولوۆكين» جانە «قازاق پاتشاسى» دەپ اتادى.
«ادىرنا» ۇلتتىق پورتالى
