فۋتبول الاڭىنىڭ ورتاسىندا تۇرعان ەلەكتر باعانى قىزۋ تالقىعا ءتۇستى، دەپ حابارلايدى "ادىرنا" ۇلتتىق پورتالى.
فۋتبول الاڭىنىڭ قاق ورتاسىندا تۇرعان ەلەكتر باعانىنىڭ سۋرەتى باق بەتتەرىندە تاراي باستادى.
ويىن الاڭشاسىنىڭ قاق ورتاسىندا تۇرعان ەلەكتر باعاناسى جەلى قولدانۋشىلارىنىڭ قىزۋ تالقىسىنا ءتۇستى. بۇل سۋرەت قوستاناي قالاسىنداعى №17 مەكتەپتىڭ ماڭىندا تۇسىرىلگەنى بەلگىلى بولدى.
فۋتبول الاڭى ءبىلىم بەرۋ مەكەمەسىنىڭ يەلىگىندە ەكەن.
"2019-2020 جىلدارى مەكتەپ عيماراتى كۇردەلى جوندەۋدەن ءوتتى. جوندەۋ كەزىندە، جسق-عا سايكەس، الاڭ دەمونتاجدالىپ، جاڭا سپورت الاڭدارىن ورناتۋ جوسپارلانعان بولاتىن. ەسكى ءارى جۇمىس ىستەمەيتىن فۋتبول الاڭى ارقىلى ەلەكتر كابەلى تارتىلىپ، جارىقتاندىرۋ ورناتىلدى. الايدا، جوندەۋ كەزىندە جوبالىق-سمەتالىق قۇجاتتامادا كەمشىلىكتەر انىقتالدى، تۇزەتۋ جۇرگىزىلدى. وسىعان بايلانىستى ەسكى ەدەندى بولشەكتەۋگە، جاڭا سپورت الاڭدارىن ورناتۋعا جانە اۋماقتى اباتتاندىرۋعا قارجى جەتكىلىكسىز بولدى", - دەپ تۇسىندىرگەن ءبىلىم باسقارماسى وكىلدەرى.
قازىر فۋتبول الاڭى ۋاقىتشا جابىلىپتى، ساباقتار وتكىزىلمەيدى. اتالعان مەكتەپ ەسكى سپورت الاڭدارىن بولشەكتەۋگە جانە جاڭا سپورت الاڭدارىن ورناتۋعا بيۋدجەتتىك ءوتىنىم بەرگەن.
