Fýtbol alańynyń ortasynda turǵan elektr baǵany qyzý talqyǵa tústi, dep habarlaıdy "Adyrna" ulttyq portaly.
Fýtbol alańynyń qaq ortasynda turǵan elektr baǵanynyń sýreti BAQ betterinde taraı bastady.
Oıyn alańshasynyń qaq ortasynda turǵan elektr baǵanasy jeli qoldanýshylarynyń qyzý talqysyna tústi. Bul sýret Qostanaı qalasyndaǵy №17 mekteptiń mańynda túsirilgeni belgili boldy.
Fýtbol alańy bilim berý mekemesiniń ıeliginde eken.
"2019-2020 jyldary mektep ǵımaraty kúrdeli jóndeýden ótti. Jóndeý kezinde, JSQ-ǵa sáıkes, alań demontajdalyp, jańa sport alańdaryn ornatý josparlanǵan bolatyn. Eski ári jumys istemeıtin fýtbol alańy arqyly elektr kabeli tartylyp, jaryqtandyrý ornatyldy. Alaıda, jóndeý kezinde jobalyq-smetalyq qujattamada kemshilikter anyqtaldy, túzetý júrgizildi. Osyǵan baılanysty eski edendi bólshekteýge, jańa sport alańdaryn ornatýǵa jáne aýmaqty abattandyrýǵa qarjy jetkiliksiz boldy", - dep túsindirgen bilim basqarmasy ókilderi.
Qazir fýtbol alańy ýaqytsha jabylypty, sabaqtar ótkizilmeıdi. Atalǵan mektep eski sport alańdaryn bólshekteýge jáne jańa sport alańdaryn ornatýǵa bıýdjettik ótinim bergen.
