اۋا رايىنىڭ بۇزىلۋىنان ەكىباستۇز جىلۋ ەلەكتر ورتالىعىندا قازاندىقتار توقتاپ قالدى، دەپ حابارلايدى "ادىرنا" ءتىلشىسى.
قاتتى داۋىلدان تۇندە ەكىباستۇز جىلۋ ەلەكتر ورتالىعىندا قازاندىقتار توقتاپ قالعان.
"كەشە تۇندە سوققان داۋىلدى جەلدىڭ سالدارىنان كەي جەرلەردە 30 م/س-تان اساتىن ەكىباستۇز جەو كەرنەۋسىز قالدى. گرەس-1-دەن قۋات الاتىن نەگىزگى جانە رەزەرۆتىك قوسالقى ستانتسيالاردىڭ توقتاپ قالۋىنا بايلانىستى ستانتسيانى ەلەكترمەن قامتۋ ءۇزىلدى. جەو-نىڭ نەگىزگى جابدىقتارى ەلەكتر ەنەرگياسى ەسەبىنەن جۇمىس ىستەيتىندىكتەن، ستانساداعى قازاندىقتار ءماجبۇرلى تۇردە ءوشىرىلدى", - دەلىنگەن "ەكىباستۇزتەپلوەنەرگو" جشس حابارلاماسىندا.
تاڭعى 5:15-تە جىلۋ ەلەكتر ورتالىعىندا ەلەكترمەن جابدىقتاۋ قالپىنا كەلتىرىلگەن.
ال ەنەرگەتيكا مينيسترلىگى ساعات 12.00-دەگى جاعداي بويىنشا "№7 قازاندىق جۇمىس ىستەپ، №14 قازاندىق جانۋدا، №11 جانە 15 قازاندىقتار جارىقتاندىرۋعا دايىندالىپ جاتىر" دەگەن حابارلاما جولدادى.
داۋىلدى اۋا رايى پاۆلودارلىق تۇرعىنداردى دا ابىگەرگە سالعان. 18-19 قاراشا ارالىعىندا پاۆلودار وبلىسىندا اۋا رايىنىڭ ناشارلاۋىنا بايلانىستى 100 ەلدى مەكەندە ەلەكتر ەنەرگياسى ءۇزىلىپ، تۇرعىندار جارىقسىز قالدى.
وبلىستىق توتەنشە جاعدايلار دەپارتامەنتىنىڭ مالىمەتىنشە، قازىر ولاردىڭ 60-ىندا عانا جارىق قالپىنا كەلتىرىلسە، 40-ى جارىقسىز.
