ءبىرىنشى جەلتوقساننان باستاپ قازاقستاندا تاعى ءبىر اقىلى جول پايدا بولادى. ءتيىستى بۇيرىققا كولىك ءمينيسترى مارات قاراباەۆ قول قويدى، - دەپ حابارلايدى «ادىرنا» ۇلتتىق پورتالى.
باسقارما باسشىسى 2023 جىلعى 3 قاراشاداعى «ورال قالاسىنان رەسەي فەدەراتسياسىنىڭ شەكاراسىنا دەيىن (ساراتوۆ قالاسىنا) رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولىن (ۋچاسكەسىن) اقىلى نەگىزدە پايدالانۋ تۋرالى» بۇيرىعىنا قول قويدى.
بۇيرىققا سايكەس، II ساناتتاعى رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولىنىڭ ورال – رەسەي فەدەراتسياسىنىڭ شەكاراسى (ساراتوۆقا) تراسساسىنىڭ ۋچاسكەسى اقىلى نەگىزدە پايدالانىلادى.
بۇل رەتتە وتكەل قوسالقى جولمەن جۇزەگە اسىرىلۋى مۇمكىن: رەسپۋبليكالىق ماڭىزى بار اتىراۋ – ورال اۆتوموبيل جولىنىڭ ورال – چاپاەۆو ۋچاسكەسى، رەسپۋبليكالىق ماڭىزى بار چاپاەۆو – جالپاقتال – كازتالوۆكا اۆتوموبيل جولى – رەسەي فەدەراتسياسىنىڭ شەكاراسى.
ءبىر باعىتتاعى بۇكىل مارشرۋت ءۇشىن جول ءجۇرۋ قۇنى:
16 ورىنعا دەيىنگى اۆتوبۋستار جانە جۇك كوتەرگىشتىگى 2,5 تونناعا دەيىنگى جۇك اۆتوموبيلدەرى – 142 تەڭگە;
32 ورىنعا دەيىنگى اۆتوبۋستار جانە جۇك كوتەرگىشتىگى 5,5 تونناعا دەيىنگى جۇك اۆتوموبيلدەرى – 284 تەڭگە;
32 ورىندىق اۆتوبۋستار مەن جۇك كوتەرگىشتىگى 10 تونناعا دەيىنگى جۇك اۆتوموبيلدەرى – 426 تەڭگە;
جۇك كوتەرگىشتىگى 10 توننادان 15 تونناعا دەيىنگى جۇك اۆتوموبيلدەرى – 568 تەڭگە;
جۇك كوتەرگىشتىگى 15 توننادان جوعارى جۇك كولىكتەرى، تىركەمەلەردى، جۇك تراكتورلارىن قوسقاندا – 710 تەڭگە.
اقىلى جولدىڭ ۇزىندىعى 98,9 شاقىرىمدى قۇرايتىنى اتاپ ءوتىلدى. اقىلى جولدىڭ قىزمەت ەتۋ مەرزىمى – 20 جىل.
سونىمەن قاتار اي سايىنعى جانە جىلدىق ابونەنتتىك تولەم بار. ءبىر ايدا ابونەمەنتتىڭ قۇنى كولىكتىڭ جۇك كوتەرگىشتىگىنە بايلانىستى 1-دەن 5 اەك-كە دەيىن (2023 جىلى 3450-دەن 17 250 تەڭگەگە دەيىن) قۇرايدى. سونداي-اق جولدىڭ اقىلى ۋچاسكەسى بويىنشا جىلدىق جول اقىسىن بىردەن تولەۋگە بولادى. ابونەمەنتتىڭ باعاسى 12-دەن 60 اەك-كە دەيىن (2023 جىلى 41 100-دەن 207 000 تەڭگەگە دەيىن).
ايتا كەتەيىك، بۇگىن ۇكىمەتتە وتكەن بريفينگتە «قازاقستان تەمىر جولى» ۇلتتىق كومپانياسىنىڭ باسشىسى نۇرلان ساۋرانباەۆ بۇگىندە قازاقستاندا 2300 شاقىرىم اقىلى جول بار ەكەنىن ايتقان بولاتىن. بۇعان دەيىن كولىك ءمينيسترى مارات قاراباەۆ اقىلى جولدارعا قانداي تاريف قولدانىلاتىنىن ايتقان بولاتىن.
«ادىرنا» ۇلتتىق پورتالى
