"قازاقستان بارىسى-2019" ءتۋرنيرىنىڭ جەڭىمپازى انىقتالدى، دەپ حابارلايدى Stan.kz اقپارات اگەنتتىگى.
شقو-دان كەلگەن ايبەك نۇعىماروۆ فينالدىق باسەكەدە ەراسىل قاجىباەۆتى جەڭىپ ەكى دۇركىن "قازاقستان بارىسى" اتاندى.
ءۇشىنشى ورىندى الماتى قالاسىنىڭ اتىنان شىققان پالۋان رۋسلان ابدىرازاقوۆ جەڭىپ الدى. ول "قولا" ءۇشىن فينالدىق تارتىستا ەلوردادان كەلگەن ايبات سەيتەننەن باسىم ءتۇستى.
بيىلعى تۋرنيرگە بارلىعى 33 پالۋان قاتىسقان. تۋرنير جەڭىمپازى 25 ميلليون تەڭگە اقشالاي سىيلىق پەن ارنايى التىن بەلدەۋ جانە "تايتۇياق" ولجاسىن الدى.
ەكىنشى ورىن العان سپورتشى 5 ملن 500 مىڭ تەڭگە، ءۇشىنشى ورىن - 1 ملن 800 مىڭ تەڭگە الدى. سونىمەن قاتار، ءاربىر جەڭىس ءۇشىن بالۋاندارعا 100 مىڭ تەڭگەدەن بەرىلدى.
