الماتى وبلىسى، قاراساي اۋدانىندا ءورت ءسوندىرۋ كەزىندە ءورت ءسوندىرۋشى قازا تاپتى، دەپ حابارلايدى «ادىرنا» ۇلتتىق پورتالى.
25 جەلتوقسان كۇنى ساعات 16:56-دا الماتى قالاسى تجد مامانداندىرىلعان ءورت ءسوندىرۋ ءبولىمىنىڭ ەكيپاجدارى كوكوزەك اۋىلىنىڭ قاراساي اۋدانىنداعى ءورتتى سوندىرۋگە شىقتى. قىزمەتتىك بورىشىن اتقارۋ كەزىندە، ەكى قاباتتى جەكە ءۇيدىڭ شاتىرىن شارپىعان ءورتتى ءسوندىرۋ بارىسىندا 19-ءموسب بولىمشەسىنىڭ كومانديرى، ازاماتتىق قورعاۋ اعا سەرجانتى ءۋالي ادىلەت ايانۇلى قازا تاپتى. «بولعان وقيعانىڭ ءمان-جايى ناقتىلانۋدا. جەرگىلىكتى جەردە جەدەل-تەرگەۋ توبى جۇمىس ىستەيدى. تجم ادىلەت ايانۇلىنىڭ تۋىستارى مەن جاقىندارىنا كوڭىل ايتادى. بىلىكتى، ءوز ءىسىنىڭ كاسىبي مامانى رەتىندە ونىڭ ەستەلىگى ءبىزدىڭ جۇرەگىمىزدە ماڭگىلىك ساقتالادى», - دەپ حابارلادى ۆەدومستۆودان.«ادىرنا» ۇلتتىق پورتالى
ۇقساس جاڭالىقتار
