48 جاستاعى اقتوبە تۇرعىنى الەۋمەتتىك جەلىدە ەر اداممەن تانىسىپ، 700 مىڭ تەڭگەسىن جوعالتىپ العان، دەپ حابارلايدى “ادىرنا” ۇلتتىق پورتالى "موي گورود" باسىلىمىنا سىلتەمە جاساپ.
اقتوبە وبلىسىنىڭ پوليتسيا دەپارتامەنتىنىڭ مالىمەتىنشە، جەلىدەگى “جاڭا” تانىسى ايەلگە ءوزىن اقش تۇرعىنىمىن دەپ تانىستىرعان. ءبىراز سويلەسكەننەن كەيىن “شەتەلدىك كۇيەۋ جىگىت” قازاق ايەلىنە برەندتىك ساعاتتار مەن سومكەلەر جانە 10 مىڭ دوللاردى سىيلىققا جىبەرگەنىن ايتتى. بىراق سىيلىقتى الۋ ءۇشىن ول كەدەندىك الىم تولەۋى كەرەك. سولاي ايەل وعان 700 مىڭ تەڭگەدەي اقشا اۋدارعان.
پوليتسيا دەپارتامەنتى الاياقتاردىڭ ايلاسىنا ءتۇسىپ قالماۋ جانە ءوز جيناعان اقشاڭىزدى قورعاۋ ءۇشىن قاراپايىم ەرەجەلەردى ساقتاۋ كەرەكتىگىن ەسكەرتەدى.
“ادىرنا” ۇلتتىق پورتالى
