مەملەكەت باسشىسى قاسىم-جومارت توقاەۆ مارات ايماشەۆتى قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس ءبولىمىنىڭ مەڭگەرۋشىسى ەتىپ تاعايىندادى، - دەپ حابارلايدى "ادىرنا" ءتىلشىسى اقوردا سايتىنا سىلتەمە جاساپ.
«مەملەكەت باسشىسىنىڭ ۇكىمىمەن مارات ماقسۇتۇلى ايماشەۆ قازاقستان رەسپۋبليكاسى قاۋىپسىزدىك كەڭەسىنىڭ اسكەري قاۋىپسىزدىك جانە قورعانىس ءبولىمىنىڭ مەڭگەرۋشىسى قىزمەتىنە تاعايىندالدى»، - دەلىنگەن قۇجاتتا.
قورعانىس مينيسترلىگىنىڭ حابارلاۋىنشا، ايماشەۆ بۇعان دەيىن باس شتاب باستىعىنىڭ ورىنباسارى – قارۋلى كۇشتەر باس شتابى جەدەل جوسپارلاۋ باسقارماسىنىڭ باستىعى قىزمەتىن اتقارعان.
ايماشەۆ مارات ماقسۇتۇلى 1974 جىلى 31 تامىزدا كراسنودار ولكەسىنىڭ (رەسەي) سلاۆيانسك-نا-كۋبان قالاسىندا دۇنيەگە كەلگەن. 1995 جىلى الماتى اسكەري-اۋە كۇشتەرى ۋچيليششەسىندە، 2008 جىلى قازاقستان ۇلتتىق قورعانىس ۋنيۆەرسيتەتىندە، 2014 جىلى بەلارۋس رەسپۋبليكاسى اسكەري اكادەمياسىنىڭ فاكۋلتەتىندە وقىدى.
