Memleket basshysy Qasym-Jomart Toqaev Marat Aımashevty Qaýipsizdik Keńesiniń Áskerı qaýipsizdik jáne qorǵanys bóliminiń meńgerýshisi etip taǵaıyndady, - dep habarlaıdy "Adyrna" tilshisi Aqorda saıtyna silteme jasap.
«Memleket basshysynyń úkimimen Marat Maqsutuly Aımashev Qazaqstan Respýblıkasy Qaýipsizdik Keńesiniń Áskerı qaýipsizdik jáne qorǵanys bóliminiń meńgerýshisi qyzmetine taǵaıyndaldy», - delingen qujatta.
Qorǵanys mınıstrliginiń habarlaýynsha, Aımashev buǵan deıin Bas shtab bastyǵynyń orynbasary – Qarýly Kúshter Bas shtaby Jedel josparlaý basqarmasynyń bastyǵy qyzmetin atqarǵan.
Aımashev Marat Maqsutuly 1974 jyly 31 tamyzda Krasnodar ólkesiniń (Reseı) Slavıansk-na-Kýban qalasynda dúnıege kelgen. 1995 jyly Almaty Áskerı-áýe kúshteri ýchılıesinde, 2008 jyly Qazaqstan Ulttyq qorǵanys ýnıversıtetinde, 2014 jyly Belarýs Respýblıkasy Áskerı akademııasynyń fakýltetinde oqydy.
