بۇدان 10 جىل بۇرىن، ياعني 2009 جىلعى ناۋرىز ايىندا مەن قورعانىس ءمينيسترىنىڭ ءباسپاسوز حاتشىسى لاۋىزىمىندا اسكەري قىزمەتتە جۇرگەنىمدە سول كەزدەگى قورعانىس ءمينيسترى دانيال احمەتوۆتىڭ بۇيرىعىمەن ءبىر توپ اسكەريلەرمەن بىرگە شۇعىل تۇردە اسكەري ۇشاقپەن ارىس قالاسىنا ۇشىپ شىعىپ ەدىك... 2009 جىل ناۋرىز ايىندا ارىستاعى قارۋ-جاراق ساقتايتىن ۇلكەن ارسەنالدا "قازارسەنال" جشس سناريادتاردى جويۋ كەزىندە بىرنەشە جارىلىس بولدى. ءۇش ادام جارىلىس ورنىندا قازا بولىپ، كومپانيانىڭ 17 جۇمىسشىسى دەنە كۇيىكتەرىمەن اۋرۋحاناعا ءتۇستى. كەيىنىرەك قازا بولعانداردىڭ سانى ءتورت ادامعا دەيىن ءوستى دەگەن حابار جەتتى. ۇكىمەتتىڭ ارنايى كوميسسياسى بۇل جارىلىسقا قاۋىپسىزدىك ەرەجەلەرىن ورەسكەل بۇزۋ سەبەپ بولعانىن انىقتادى. ۇلكەن لاۋازىمداعى اسكەريلەردىڭ بىرەۋى دە جازاعا تارتىلعان جوق. جىلى جاۋىپ قويا سالدى. سول جارىلىستىڭ سەبەپتەرىن ەمەس، سالدارىمەن اينالىسقاننىڭ ارقاسىندا 2014 جىلى جازدا تاعى دا ارىستا "قازاقجارىلىسونەركاسىبى" اكتسيونەرلىك قوعامىنىڭ وق-ءدارىنى جويۋ زاۋىتىندا تاعى دا جارىلىس بولىپ، ەر ادام مەن ءبىر ايەلدىڭ وقيعا ورنىندا قازا بولعانى تۋرالى بۇقارالىق اقپارات قۇرالدارىندا جاريالادى.
2015 جىلعى 8 قاراشادا ارىستاعى "قازتەحنولوگيا" جشس-ءنىڭ جارۋ الاڭىنداعى پوليگوندا جارىلىس بولىپ، تەحنولوگ 1974 جىلى تۋعان ەرمۇرات يمانقۇلوۆ دەگەن ازامات مەرت بولدى. (قازا بولدى). ەندى مىنە، اركەز تۇتانىپ تۇراتىن ۆۋلكان سياقتى جارىلىستاردان نە ۇكىمەت، نە اسكەري ۆەدومستۆو دۇرىس ناتيجە شىعارماعانى بەيبىت ومىردە ۇلكەن اپاتقا اكەپ سوقتىردى. 2019 جىلىعى 24 ماۋسىمدا ارىس ماڭىنداعى قارۋ-جاراق ساقتايتىن قويمادا تاعى دا جويقىن جارىلىس بولدى. ءالى دە جالعاسۋدا. وسىعان وراي، ەڭ ءبىرىنشى، حالىقتى شۇعىل تۇردە قاۋىپسىز ايماققا ەۆاكۋاتسيا جاساۋ كەرەك، ول ءۇشىن قولدا ەۆاكۋاتسيالىق ناقتى جوسپار بولۋ كەرەك. ۇلكەن ەۆاكۋاتسيالىق كوماندالار قۇرۋ كەرەك.
ەكىنشى، شۇعىل تۇردە پولەۆوي گوسپيتالداردى جاقىن ماڭعا قۇرىپ، مىقتى حيرۋرگتار مەن دارىگەرلەردى الدىرتۋ كەرەك. جاقىن قالالارعا جارالانعانداردى ۆەرتولەتپەن(!) جەتكىزۋ كەرەك. ۇشىنشىدەن، بوس قالعان مەملەكەتتىك جانە الەۋمەتتىك نىساندار مەن ءۇي-جايلاردى، ماگازيندەردى توناماس ءۇشىن ميليتسيا مەن ىشكى ىستەر ورگاندارىنان وتسەپلەنيا قۇرۋ كەرەك. جارىلىس اياقتالعان سوڭ، ۇكىمەت پەن شەت ەلدەن تاۋەلسىز اسكەري كوميسسيا تاعايىنداپ، جاقسىلاپ تۇرىپ راسسلەدوۆانيا جاساۋ كەرەك تە سالعىرتتىق پەن نەمقۇرايلىق تانىتقاندارى ءۇشىن قورعانىس مينيسترىنەن باستاپ جاۋاپتى گەنەرالدار مەن باسقا دا لاۋىزىم يەلەرىن پود تريبۋنال جاۋاپقا تارتۋ كەرەك!!!
سەرىك شالوۆ
"ادىرنا" ۇلتتىق پورتالى
