بۇرىنعى مادەنيەت جانە سپورت ءمينيسترى ارىستانبەك مۇحامەديۇلىنا ءومىر بويى مەملەكەتتىك قىزمەتتە جۇمىس ىستەۋگە تىيىم سالىنىپ، 11 جىلعا باس بوستاندىعىنان ايىرىلدى، دەپ حابارلايدى “ادىرنا” ۇلتتىق پورتالى.
ەندى ول جازاسىن قاۋىپسىزدىگى ورتاشا مەكەمەدە وتەيدى. بۇعان دەيىن سوت بۇرىنعى شەنەۋنىكتىڭ ايەلىن پارا الۋ بويىنشا كىنالى دەپ تانىپ، ونى ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان جانە 6 ايعا باس بوستاندىعىنان ايىرۋ تۋرالى ۇكىم شىعارعان ەدى.
مۇحامەديۇلىنىڭ ادۆوكاتى اسا ءىرى كولەمدە الاياقتىق جاساعانى ءۇشىن كىنالى دەپ تانىلىپ، 6 جىل 8 ايعا باس بوستاندىعىنان ايىرىلدى. سونداي-اق ول 10 جىل مەرزىمگە ادۆوكاتتىق قىزمەتپەن اينالىسا المايدى.
ايتا كەتەيىك، ەكس-ءمينيستردىڭ بۇعان دەيىن 8 جانە 11 جىلعا سوتتالعان ەدى. قر ۇلتتىق مۋزەيدىڭ بۇرىنعى ديرەكتورى ارىستانبەك مۇحامەديۇلى 2022 جىلى 28 مامىردا قاماۋعا الىنعان بولاتىن. انتيكور مۋزەي باسشىسىنا "التىن ادامنىڭ الەم مۋزەيلەرىنە شەرۋى" حالىقارالىق كورمەسىن وتكىزۋ بارىسىندا قارجى جىمقىردى دەگەن ايىپ تاقتى. الايدا ارىستانبەك مۇحامەديۇلى سوتتا كىناسىن مويىنداعان جوق.
