بىرىڭعاي ۋاقىت بەلدەۋىنە كوشۋ ەلەكتر ەنەرگياسىن تۇتىنۋ دەڭگەيىنە ايتارلىقتاي اسەر ەتپەيدى، دەپ حابارلايدى “ادىرنا” ۇلتتىق پورتالى تابيعي مونوپوليالاردى رەتتەۋ كوميتەتىنىڭ (تمرك) قاراعاندى وبلىسى بويىنشا دەپارتامەنتىنە سىلتەپ.
«ەلەكتر ەنەرگياسى ءۇشىن تولەمدەردىڭ ايتارلىقتاي ءوسۋى كۇتىلمەيدى. ەلەكتر ەنەرگياسىن تۇتىنۋ تولەمى ەسەپتەگىش قۇرالدارىنىڭ كورسەتكىشتەرى بويىنشا جۇرگىزىلەدى»، - دەلىنگەن حابارلامادا.
سونداي-اق، ۋاقىت بەلدەۋىنىڭ وزگەرۋى جابدىقتاۋشى ۇيىمداردىڭ شىعىندارىنا دا اسەر ەتپەيتىنى ايتىلدى:
«بىرىڭعاي ۋاقىت بەلدەۋىنە كوشۋ ەنەرگيامەن جابدىقتاۋشى ۇيىمداردىڭ شىعىندارىنا اسەر ەتپەيدى، تيىسىنشە، بۇل ەلەكتر ەنەرگياسىنىڭ باعاسىن وزگەرتۋگە نەگىز بولىپ تابىلمايدى»، - دەپ حابارلادى تمرك.
