Biryńǵaı ýaqyt beldeýine kóshý elektr energııasyn tutyný deńgeıine aıtarlyqtaı áser etpeıdi, dep habarlaıdy “Adyrna” ulttyq portaly tabıǵı monopolııalardy retteý komıtetiniń (TMRK) Qaraǵandy oblysy boıynsha departamentine siltep.
«Elektr energııasy úshin tólemderdiń aıtarlyqtaı ósýi kútilmeıdi. Elektr energııasyn tutyný tólemi eseptegish quraldarynyń kórsetkishteri boıynsha júrgiziledi», - delingen habarlamada.
Sondaı-aq, ýaqyt beldeýiniń ózgerýi jabdyqtaýshy uıymdardyń shyǵyndaryna da áser etpeıtini aıtyldy:
«Biryńǵaı ýaqyt beldeýine kóshý energııamen jabdyqtaýshy uıymdardyń shyǵyndaryna áser etpeıdi, tıisinshe, bul elektr energııasynyń baǵasyn ózgertýge negiz bolyp tabylmaıdy», - dep habarlady TMRK.
