قازاقستان ۋكراينا قارۋلى كۇشتەرىنىڭ قاجەتتىلىگى ءۇشىن رەسەيلىك اسكەري ونىمدەردى ساتىپ الۋ تۋرالى كەلىسسوزدەر جۇرگىزىپ جاتقان جوق. بۇل تۋرالى قورعانىس مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«ۋكرسپەتسەكسپورتپەن» كەلىسسوزدەر جۇرگىزىلىپ جاتىر» دەگەن اقپارات شىندىققا جاناسپايدى. 2022 جىلدان باستاپ قازاقستاندا قارۋ-جاراق پەن اسكەري تەحنيكانى ەكسپورتتاۋعا تىيىم سالىنعان. مۇنداي تۇسپالداۋلار ەلىمىزدىڭ بەدەلىن تۇسىرۋگە باعىتتالعان»،— دەلىنگەن حابارلامادا.
ايتا كەتەيىك، بۇعان دەيىن رەسەيلىك باق «كيەۆ استانامەن رەسەيلىك اسكەري ونىمدەردى ساتىپ الۋ ماسەلەسىن تالقىلاپ جاتىر. قوس تاراپ وسى باعىتتاعى كەلىسسوزدەردى باستادى» دەگەن اقپارات تاراتقان ەدى.
