ادۆوكات اينارا ايدارحانوۆا ساياسي قايراتكەر، جۋرناليست ايگەرىم تىلەۋجانعا قاتىستى كولونيادا قوزعالعان ءىستى جابۋ كەرەك ەكەنىن ايتتى. ادۆوكاتتىڭ ۆيدەوسىن RESPUBLIKA.KZ.media Telegram-ارناسى جاريالادى، دەپ حابارلايدى “ادىرنا” ۇلتتىق پورتالى.
«سوت-مەديتسينالىق ساراپتاما تاعايىندالدى. بۇگىن جابىرلەنۋشىلەر، كۇدىكتىلەر جانە باسقا دا ادامداردىڭ دەنساۋلىعىنا كەلتىرىلگەن زياننىڭ اۋىرلىق دارەجەسىن انىقتاۋ ءۇشىن ساراپتامالىق زەرتتەۋ ادىستەمەسىنە سايكەس ءۇزىندى، انىقتاما نەمەسە باسقا دا انىقتالماعان قۇجاتتار نەگىزىندە قورىتىندى جاساۋعا تىيىم سالىناتىنى تۋرالى تاعى دا جاۋاپ الىندى.
الماتى وبلىسى بويىنشا عىلىمي-زەرتتەۋ ينستيتۋتى ديرەكتورىنىڭ سوت-مەديتسينالىق ماسەلەلەر جونىندەگى ورىنباسارى اتالعان وتىنىشكە سايكەس، سوت-مەديتسينالىق ساراپتاما تاعايىنداۋ تۋرالى قاۋلىنى ورىنداۋسىز قايتارۋ كەرەك دەپ ەسەپتەيدى. ويتكەنى ءوتىنىش بەرۋشىنىڭ ءوزى تىكەلەي ساراپتامادان وتۋدەن باس تارتادى. وسىعان وراي، اتالعان جاۋاپقا سۇيەنە وتىرىپ، قىلمىستىق قۋدالاۋ ورگانىندا تىلەۋجانوۆانىڭ دەنساۋلىعىنا اۋىرلىعى ورتاشا زيان تۇرىندەگى دەنە جاراقاتىن كەلتىرگەنى تۋرالى جەتكىلىكتى دالەلدەمەلەر مەن مالىمەتتەر بولماعاندىقتان، بۇل قىلمىستىق ءىس توقتاتىلۋى ءتيىس»، - دەدى ايدارحانوۆا ءباسپاسوز ءماسليحاتىندا.
سونداي-اق، ول بۇل ءىستى توقتاتۋعا تولىقتاي نەگىز بار ەكەنىن ايتا كەتتى.
«بۇل جاۋاپ ءبىزدى قۋانتتى، ويتكەنى سوتتالعان بەكموجينوۆانىڭ ءوزى، قايتالاپ ايتامىن، كەز كەلگەن ساراپتامادان باس تارتادى. قازىرگى ۋاقىتتا تەرگەۋشى ساراپشى، سوتتالعان بەكموجينوۆانىڭ ءوزىن وسى وتىنىشپەن تانىستىرۋى عانا قالدى جانە بۇل ءىستى توقتاتۋ كەرەك دەپ ەسەپتەيمىز. مۇندا ەشقانداي نەگىز نەمەسە قۇرام جوق. ەگەر بۇل ارىزدانۋشى تىلەۋجانوۆا ايگەرىمدى ۇرىپ-سوققان دەپ ەسەپتەسە، ونى ساراپتاما ارقىلى راستاۋى كەرەك. الايدا، ونىڭ تاراپىنان باس تارتۋ تۋرالى ارىز ءتۇستى»، - دەپ ءتۇسىندىردى ايدارحانوۆا.
ەسكە سالا كەتەيىك، 5 ناۋرىزدا جۋرناليست ايگەرىم تىلەۋجانعا قاتىستى جاڭا قىلمىستىق ءىس قوزعالعانى بەلگىلى بولدى. كەيىن پوليتسەيلەر تىلەۋجانوۆا مەن كولونياداعى جانجالدىڭ ەكىنشى قاتىسۋشىسىنان جاۋاپ الىپ جاتقانىن حابارلادى.
2022 جىلدىڭ قازان ايىندا ايگەرىم تىلەۋجان الماتى اۋەجايىنداعى قاڭتارداعى تارتىپسىزدىككە قاتىستى كۇدىكتى بولعانى حابارلاندى.
وعان قازاقستان رەسپۋبليكاسى قىلمىستىق كودەكسىنىڭ 272-بابىنىڭ 1-ءبولىمى (زورلىق-زومبىلىقپەن، قىرعىنمەن، ءورت قويۋمەن، مۇلىكتى جويۋمەن، اتىس قارۋىن، جارىلعىش زاتتاردى نەمەسە جارىلعىش قۇرىلعىلاردى قولدانۋمەن، سونداي-اق بيلىك وكىلىنە قارۋلى قارسىلىق كورسەتۋمەن ۇشتاسقان جاپپاي تارتىپسىزدىكتەر ۇيىمداستىرۋ) بويىنشا ايىپ تاعىلدى.
2023 جىلدىڭ ءساۋىر ايىنىڭ باسىندا تىلەۋجان بۇل ءىستى ساياسي استارى بار دەپ اتادى.
2023 جىلدىڭ 11 شىلدەسىندە سوت تىلەۋجاندى ءتورت جىلعا باس بوستاندىعىنان ايىرىلعان قىلمىستىق ءىس بويىنشا ۇكىم شىعاردى. قاڭتاردىڭ 30-ى كۇنى بەلسەندى رينات رافحات قاماۋداعى ساياساتكەر ايگەرىم تىلەۋجاننىڭ دەنساۋلىعىنىڭ ناشارلاعانى تۋرالى حابارلادى.
