Advokat Ainara Aidarhanova saiasi qairatker, jurnalist Äigerım Tıleujanǧa qatysty koloniiada qozǧalǧan ıstı jabu kerek ekenın aitty. Advokattyŋ videosyn RESPUBLIKA.KZ.media Telegram-arnasy jariialady, dep habarlaidy “Adyrna” ūlttyq portaly.
«Sot-medisinalyq saraptama taǧaiyndaldy. Bügın jäbırlenuşıler, küdıktıler jäne basqa da adamdardyŋ densaulyǧyna keltırılgen ziiannyŋ auyrlyq därejesın anyqtau üşın saraptamalyq zertteu ädıstemesıne säikes üzındı, anyqtama nemese basqa da anyqtalmaǧan qūjattar negızınde qorytyndy jasauǧa tyiym salynatyny turaly taǧy da jauap alyndy.
Almaty oblysy boiynşa ǧylymi-zertteu instituty direktorynyŋ sot-medisinalyq mäseleler jönındegı orynbasary atalǧan ötınışke säikes, sot-medisinalyq saraptama taǧaiyndau turaly qaulyny oryndausyz qaitaru kerek dep esepteidı. Öitkenı ötınış beruşınıŋ özı tıkelei saraptamadan ötuden bas tartady. Osyǧan orai, atalǧan jauapqa süiene otyryp, qylmystyq qudalau organynda Tıleujanovanyŋ densaulyǧyna auyrlyǧy ortaşa ziian türındegı dene jaraqatyn keltırgenı turaly jetkılıktı däleldemeler men mälımetter bolmaǧandyqtan, būl qylmystyq ıs toqtatyluy tiıs», - dedı Aidarhanova baspasöz mäslihatynda.
Sondai-aq, ol būl ıstı toqtatuǧa tolyqtai negız bar ekenın aita kettı.«Būl jauap bızdı quantty, öitkenı sottalǧan Bekmojinovanyŋ özı, qaitalap aitamyn, kez kelgen saraptamadan bas tartady. Qazırgı uaqytta tergeuşı sarapşy, sottalǧan Bekmojinovanyŋ özın osy ötınışpen tanystyruy ǧana qaldy jäne būl ıstı toqtatu kerek dep esepteimız. Mūnda eşqandai negız nemese qūram joq. Eger būl aryzdanuşy Tıleujanova Äigerımdı ūryp-soqqan dep eseptese, ony saraptama arqyly rastauy kerek. Alaida, onyŋ tarapynan bas tartu turaly aryz tüstı», - dep tüsındırdı Aidarhanova.
Eske sala keteiık, 5 nauryzda jurnalist Äigerım Tıleujanǧa qatysty jaŋa qylmystyq ıs qozǧalǧany belgılı boldy. Keiın poliseiler Tıleujanova men koloniiadaǧy janjaldyŋ ekınşı qatysuşysynan jauap alyp jatqanyn habarlady.
2022 jyldyŋ qazan aiynda Äigerım Tıleujan Almaty äuejaiyndaǧy qaŋtardaǧy tärtıpsızdıkke qatysty küdıktı bolǧany habarlandy.
Oǧan Qazaqstan Respublikasy Qylmystyq kodeksınıŋ 272-babynyŋ 1-bölımı (zorlyq-zombylyqpen, qyrǧynmen, ört qoiumen, mülıktı joiumen, atys qaruyn, jarylǧyş zattardy nemese jarylǧyş qūrylǧylardy qoldanumen, sondai-aq bilık ökılıne qaruly qarsylyq körsetumen ūştasqan jappai tärtıpsızdıkter ūiymdastyru) boiynşa aiyp taǧyldy.
2023 jyldyŋ säuır aiynyŋ basynda Tıleujan būl ıstı saiasi astary bar dep atady.
2023 jyldyŋ 11 şıldesınde sot Tıleujandy tört jylǧa bas bostandyǧynan aiyrylǧan qylmystyq ıs boiynşa ükım şyǧardy. Qaŋtardyŋ 30-y künı belsendı Rinat Rafhat qamaudaǧy saiasatker Äigerım Tıleujannyŋ densaulyǧynyŋ naşarlaǧany turaly habarlady.
