"امانات" پارتياسىنىڭ دەپۋتاتى، جۋرناليست ماقسات تولىقباي اقتوبە وبلىسىنداعى سۋ باسقان اۋىلدارداعى احۋال تۋرالى باياندادى، دەپ جازادى "ادىرنا" پورتالى.
دەپۋتاتتىڭ سوزىنشە، اۋىلدى قورشاي سالىنباق بولعان بوگەت جوباسى پروكۋراتۋرانىڭ بۇيرىعىمەن توقتاتىلعان دەسەدى. سەبەبى، جوبا دايىن بولماعان. سالدارىنان بوگەتسىز اۋىلداردىڭ ءبارى سۋ استىن قالىپ وتىر دەدى ول Instagram پاراقشاسىنداعى جازباسىندا:
"امانسىزدار ما؟ سەت ۇستايتىن ايماققا ەندى شىقتىق. كۇندىز-ءتۇنى اقتوبە وبلىسىنداعى ءۇيى سۋعا كەتكەن اعايىننىڭ قاسىندا ءجۇرمىز. شىنىن ايتقاندا بىردەڭە دەپ پوست جازۋعا مۇرشا جوق. جاعداي قيىن. قۇر جۇرگەن جوقپىز. ەرىكتىلەرگە راقمەت! AMANAT پارتياسى تاراپىنان قولدان كەلگەنشە كومەك كورسەتىپ جاتىرمىز. قازىر باستىسى ادام شىعىنى بولماسىنشى دەپ تىلەيىكشى. بەرسيەۆ سياقتى اۋىلداردى تولىق قىزىل سۋ شايىپ كەتتى. قورقىنىشتى. تۇرعىندار مەكتەپتىڭ ەكىنشى قاباتىندا وتىر. تىكۇشاق قوناتىن جەر جوق" دەدى ماقسات تولىقباي.
ەستەرىڭىزگە سالا كەتەيىك، بۇعان دەيىن اقتوبە وبلىسىنداعى بەرسيەۆ اۋىلىنداعى تاسقىن قۇرساۋىندا قالعان 250 ادامنىڭ تىكۇشاقپەن ەۆاكۋاتسيالانعانىن حابارلاعان بولاتىنبىز.
پوسموترەت ەتۋ پۋبليكاتسيۋ ۆ Instagram
