اكتەر ءشارىپ سەرىك ءاليا بوتەەۆاعا قول كوتەرگەنى ءۇشىن كەشىرىم سۇرادى. ول ءوزىنىڭ Instagram پاراقشاسىندا ارنايى ۆيدەو جاريالادى، دەپ حابارلايدى “ادىرنا” ۇلتتىق پورتالى.
«مەن قاسكۇنەمدىك جاسادىم. ول ءۇشىن زاڭ بويىنشا بارلىق جازانى وتەۋگە دايىنمىن. مەنىڭشە، كوپشىلىگىڭىزگە ۇرىس كەزىندە بولاتىن اشۋ، زۇلىمدىق دەگەن رەاكتسيا تانىس شىعار. مەنىڭ جاساعانىمدى قايتالاماڭىزدار، قول كوتەرمەڭىزدەر»، – دەيدى ول.
اكتەر ءاليا بوتەەۆاعا شاپالاق بەرگەنىن دە مويىنداپ، ول ءۇشىن بويجەتكەننەن جانە اتا-اناسىنان كەشىرىم سۇرادى.
ايتا كەتەيىك، اكتەردىڭ ليفتىگە كىرىپ بارا جاتقان ءاليانى قولىنان جۇلقىلاپ، تارتىپ الىپ كەتىپ بارا جاتقانى كورسەتىلگەن ۆيدەونى بويجەتكەننىڭ ءوزى جاريالاعان بولاتىن. وسىدان كەيىن تانىمال تۇلعالار، الەۋمەتتىك جەلى وقىرماندارى بوتەەۆاعا ۇلكەن قولداۋ ءبىلدىردى.
بۇل جاعدايدان كەيىن Salem Entertainment اكتەر تۇسكەن سەريالداردى توقتاتتى. «پاترۋل» سەريالىنداعى ءشارىپ ويناعان ساحنالاردى دا الىپ تاستاماقشى. كەيبىر كومپانيالار شارىپپەن جارنامالىق كەلىسىم-شارتتى ۇزگەنىن دە حابارلادى.
ۇقساس جاڭالىقتار
