جەكسەنبى كۇنى قىتايدا ءىرى كولەمدى AG600 امفيبيا ۇشاعى قىتايدىڭ ازاماتتىق اۆياتسيا باسقارماسىنان تۇرلىك سەرتيفيكاتىن الدى. بۇل – ۇشاقتىڭ ءساتتى جاسالىپ، سالماعى بويىنشا الەمدەگى ەڭ ۇلكەن ازاماتتىق امفيبيا ۇشاعى رەتىندە نارىققا شىعۋىن بىلدىرەدى.
AG600 امفيبيا ۇشاعىنىڭ ازىرلەۋشىسى — قىتايدىڭ اۆياتسيا ونەركاسىبى كورپوراتسياسى (AVIC) — بۇل سەرتيفيكاتتىڭ بەرىلۋىن قىتايدىڭ ارنايى ماقساتتاعى ۇشاقتار مەن ازاماتتىق اۆياتسيا سالاسىنداعى دامۋى ءۇشىن ماڭىزدى كەزەڭ دەپ اتادى.
AG600 – قىتايدىڭ ازاماتتىق اۆياتسياسىنىڭ ۇشۋعا جارامدىلىق ەرەجەلەرىنە سايكەس ازىرلەنگەن العاشقى ءىرى كولەمدى ازاماتتىق ارنايى ماقساتتاعى ۇشاق.
AG600 ۇشاقتارى ءورت ءسوندىرۋ، تەڭىزدە جانە ەلدىڭ بارلىق ايماقتارىندا ىزدەستىرۋ-قۇتقارۋ جۇمىستارى سەكىلدى توتەنشە جاعدايلارعا ارنالعان، سونداي-اق ادامداردىڭ ءومىرى مەن مۇلكىنىڭ قاۋىپسىزدىگىن قامتاماسىز ەتۋ ماقساتىندا پايدالانىلادى.
AVIC كومپانياسىنىڭ حابارلاۋىنشا، AG600 – ۇشۋ سالماعى بويىنشا الەمدەگى ەڭ ۇلكەن ازاماتتىق امفيبيا ۇشاعى.
دەرەكتەرگە سۇيەنسەك، ۇشاقتىڭ ۇزىندىعى – 38,9 مەتر، بيىكتىگى – 11,7 مەتر، ال قاناتتارىنىڭ ۇزىندىعى – 38,8 مەتر.
