شەرزات پولاتتىڭ ءىسى بويىنشا جابىرلەنۋشى تاراپتىڭ وكىلى، ادۆوكات مەيىرمان شەكەەۆ سوت وتىرىسىنان شىققاننان كەيىن كولىگىنە قاتىستى كۇدىكتى جاعداي ورىن العانىن حابارلادى، دەپ حابارلايدى "ادىرنا" ۇلتتىق پورتالى.
ادۆوكاتتىڭ ايتۋىنشا، ونىڭ كولىگىنىڭ ەكى بولتى ادەيى بۇراپ الىنعان بولۋى مۇمكىن. شەكەەۆ بۇل ارەكەتتى قاستاندىق دەپ باعالاپ وتىر.
"سوت وتىرىسىنان شىقتىق. مىنا جاعدايعا نازار اۋدارىڭىزدار. بۇل بىزگە قارسى جاسالعان قاستاندىق پا، الدە جاي عانا كەزدەيسوقتىق پا –
ونى ءبىر اللا بىلەدى. ەكى بولتتى شەشىپ الىپتى. بۇل – جولدا كەلە جاتقاندا وتە قاۋىپتى جاعداي،" – دەدى ول.
بۇل مالىمدەمە قوعامدا ۇلكەن رەزونانس تۋدىرىپ، الەۋمەتتىك جەلىلەردە كەڭىنەن تالقىلانۋدا. قۇقىق قورعاۋ ورگاندارى وقيعاعا قاتىستى پىكىر بىلدىرمەگەن.
ادۆوكاتتىڭ ايتۋىنشا، بۇل وقيعا ونىڭ كاسىبي قىزمەتىمەن بايلانىستى بولۋى مۇمكىن دەگەن كۇدىك بار.
وقيعانىڭ ناقتى ءمان-جايى الداعى ۋاقىتتا انىقتالماق.
