بۇگىن ونلاين رەجيمدە وتكەن ۇكىمەت وتىرىسىندا قر پرەمەر-ءمينيسترىنىڭ ورىنباسارى ەرالى توعجانوۆ وسىلاي دەپ مالىمدەدى. ۇكىمەت وتىرىسىندا ەلدەگى سانيتارلىق-ەپيدەميولوگيالىق جاعداي باياندالدى.
ەرالى لۇقپانۇلى بارلىق اكىمدەرگە حالىقتى جاپپاي ۆاكتسينالاۋ باعىتىنداعى اقپاراتتىق-ءتۇسىندىرۋ جۇمىستارىن جانداندىرۋدى تاپسىردى.
– اي سوڭىنا دەيىن حالىقتىڭ ۆاكتسيناتسيالاۋعا جاتاتىن بولىگىنىڭ 20 پايىزىنا جەتكىلىكتى كولەمدە ۆاكتسينا جەتكىزىلدى. اكىمدىكتەر ۆاكتسينالاۋ جۇمىستارىن كۇشەيتۋ قاجەت. سونىمەن قاتار، بۇگىندە الماتى، شىمكەنت قالاسىندا، شقو، تۇركىستان، الماتى وبلىستارىندا مونيتورينگ جۇمىستارى ناتيجەلى جۇرگىزىلۋدە، – دەدى قر پرەمەر-ءمينيسترىنىڭ ورىنباسارى.
ايتا كەتسەك، جىل باسىنان بەرى شىمكەنت قالاسىندا موبيلدىك توپتاردىڭ تەكسەرۋلەردىڭ ناتيجەسىندە 170 نىسانعا 174 ايىپپۇل سالىندى (ونىڭ ىشىندە، 162 - جەكە تۇلعا، 11 جەكە كاسىپكەر، 1 زاڭدى تۇلعا).
تەكسەرۋ ناتيجەسى بويىنشا 22 نىساننىڭ ءىسى اكىمشىلىك سوتقا جولدانىپ، 15 نىسان بويىنشا سوت شەشىمى قابىلداندى.
شىمكەنت قالاسى اكىمدىگىنىڭ ءباسپاسوز قىزمەتى
