Búgin onlaın rejımde ótken Úkimet otyrysynda QR Premer-Mınıstriniń orynbasary Eraly Toǵjanov osylaı dep málimdedi. Úkimet otyrysynda eldegi sanıtarlyq-epıdemıologııalyq jaǵdaı baıandaldy.
Eraly Luqpanuly barlyq ákimderge halyqty jappaı vakınalaý baǵytyndaǵy aqparattyq-túsindirý jumystaryn jandandyrýdy tapsyrdy.
– Aı sońyna deıin halyqtyń vakınaııalaýǵa jatatyn bóliginiń 20 paıyzyna jetkilikti kólemde vakına jetkizildi. Ákimdikter vakınalaý jumystaryn kúsheıtý qajet. Sonymen qatar, Búginde Almaty, Shymkent qalasynda, ShQO, Túrkistan, Almaty oblystarynda monıtorıng jumystary nátıjeli júrgizilýde, – dedi QR Premer-Mınıstriniń orynbasary.
Aıta ketsek, jyl basynan beri Shymkent qalasynda mobıldik toptardyń tekserýlerdiń nátıjesinde 170 nysanǵa 174 aıyppul salyndy (onyń ishinde, 162 - jeke tulǵa, 11 jeke kásipker, 1 zańdy tulǵa).
Tekserý nátıjesi boıynsha 22 nysannyń isi ákimshilik sotqa joldanyp, 15 nysan boıynsha sot sheshimi qabyldandy.
Shymkent qalasy ákimdiginiń baspasóz qyzmeti
