توقاەۆ: بيداي ءونىمى 40%-عا تومەندەۋى مۇمكىن

3094
Adyrna.kz Telegram

قازاقستان پرەزيدەنتى قاسىم-جومارت توقاەۆ كليمات وزگەرۋىنە بايلانىستى قازاقستاندا بيداي شىعىمى تومەندەۋى مۇمكىن ەكەنىن ايتتى، - دەپ حابارلايدى “ادىرنا” ۇلتتىق پورتالى Tengrinews.kz سايتىنۆ سىلتەمە جاساپ. 

توقاەۆ ورتالىق ازياداعى جىلىنۋ ماسەلەسى الاڭداۋشىلىق تۋعىزاتىنىن جانە شۇعىل شارالار قاجەت ەكەنىن اتاپ ءوتتى. پرەزيدەنتتىڭ ايتۋىنشا، بۇل اسىرەسە سۋ مەن ازىق-تۇلىك قاۋىپسىزدىگىن ساقتاۋدا، قامتاماسىز ەتۋدە اسا ماڭىزدى.

"قازاقستان ءىرى بيداي وندىرۋشىلەردىڭ وندىعىنا كىرەدى جانە جىلىنا 7 ميلليون تونناعا دەيىن بيداي ەكسپورتتايدى. ەگەر 2030 جىلعا قاراي جاعىمسىز ستسەناري جۇزەگە اسسا، بيداي شىعىمى شامامەن 40 پايىزعا تومەندەۋى مۇمكىن", - دەدى توقاەۆ حالىقارالىق كونفەرەنتسيادا.

پرەزيدەنت بۇۇ دامۋ باعدارلاماسى مالىمەتتەرىن كەلتىردى، وندا 2030 جىلعى كليمات جاعدايىندا بيدايدىڭ ورتاشا شىعىمدىلىعى جەتى وبلىستا - اقمولا، اقتوبە، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستاندا قازىرگى دەڭگەيىنەن 63-87 پايىز بولاتىنى كورسەتىلگەن.

"قازاقستان جالعىز ەكسپورتتاۋشى ەل ەكەنىن ەسكەرسەك، بۇل بۇكىل ايماقتىڭ ازىق-تۇلىك قاۋىپسىزدىگىنە قاتەر توندىرەدى. بۇل - قاراپايىم مىسال، كليماتتىڭ وزگەرۋىمەن كۇرەسۋ ورتاق ءارى وتە ماڭىزدى ءىسىمىز", - دەدى مەملەكەت باسشىسى.

سونىمەن قاتار، مەملەكەتتەردىڭ ارەكەتى كليمات وزگەرۋىنە جانە ونى تۇراقتاندىرۋعا اسەر ەتۋى مۇمكىن ەكەنىن اتاپ ءوتتى.

"قازاقستان پاريج كەلىسىمىنىڭ جاھاندىق تەمپەراتۋرالىق ماقساتىنا قول جەتكىزۋدە ورتاق جاۋاپكەرشىلىك بار ەكەنىن تۇسىنەدى. ەنەرگيا، جۇمىسپەن قامتۋ جانە فيسكالدىق تابىس كوزى بولاتىن تابيعي قازبالارعا تاۋەلدىلىككە قاراماستان، ەلىمىز وسى عاسىردىڭ ورتاسىندا كومىرتەك بەيتاراپتىعىنا قول جەتكىزگەن العاشقىلاردىڭ قاتارىندا ەكەنىن جاريالادى", - دەپ اتاپ ءوتتى.

 

”ادىرنا” ۇلتتىق پورتالى

پىكىرلەر