Toqaev: Bıdaı ónimi 40%-ǵa tómendeýi múmkin

3092
Adyrna.kz Telegram

Qazaqstan Prezıdenti Qasym-Jomart Toqaev klımat ózgerýine baılanysty Qazaqstanda bıdaı shyǵymy tómendeýi múmkin ekenin aıtty, - dep habarlaıdy “Adyrna” ulttyq portaly Tengrinews.kz saıtynv silteme jasap. 

Toqaev Ortalyq Azııadaǵy jylyný máselesi alańdaýshylyq týǵyzatynyn jáne shuǵyl sharalar qajet ekenin atap ótti. Prezıdenttiń aıtýynsha, bul ásirese sý men azyq-túlik qaýipsizdigin saqtaýda, qamtamasyz etýde asa mańyzdy.

"Qazaqstan iri bıdaı óndirýshilerdiń ondyǵyna kiredi jáne jylyna 7 mıllıon tonnaǵa deıin bıdaı eksporttaıdy. Eger 2030 jylǵa qaraı jaǵymsyz senarıı júzege assa, bıdaı shyǵymy shamamen 40 paıyzǵa tómendeýi múmkin", - dedi Toqaev halyqaralyq konferenııada.

Prezıdent BUU damý baǵdarlamasy málimetterin keltirdi, onda 2030 jylǵy klımat jaǵdaıynda bıdaıdyń ortasha shyǵymdylyǵy jeti oblysta - Aqmola, Aqtóbe, Batys Qazaqstan, Qaraǵandy, Qostanaı, Pavlodar jáne Soltústik Qazaqstanda qazirgi deńgeıinen 63-87 paıyz bolatyny kórsetilgen.

"Qazaqstan jalǵyz eksporttaýshy el ekenin eskersek, bul búkil aımaqtyń azyq-túlik qaýipsizdigine qater tóndiredi. Bul - qarapaıym mysal, klımattyń ózgerýimen kúresý ortaq ári óte mańyzdy isimiz", - dedi Memleket basshysy.

Sonymen qatar, memleketterdiń áreketi klımat ózgerýine jáne ony turaqtandyrýǵa áser etýi múmkin ekenin atap ótti.

"Qazaqstan Parıj kelisiminiń jahandyq temperatýralyq maqsatyna qol jetkizýde ortaq jaýapkershilik bar ekenin túsinedi. Energııa, jumyspen qamtý jáne fıskaldyq tabys kózi bolatyn tabıǵı qazbalarǵa táýeldilikke qaramastan, elimiz osy ǵasyrdyń ortasynda kómirtek beıtaraptyǵyna qol jetkizgen alǵashqylardyń qatarynda ekenin jarııalady", - dep atap ótti.

 

”Adyrna” ulttyq portaly

Pikirler