Qazaqstanda Halyqaralyq aqyndar PEN-klubynyŋ filialy aşyldy

820
Adyrna.kz Telegram
https://www.adyrna.kz/storage/uploads/AAEDDdCcctGt8f4uhfzHyfzT7Xxm4H3jaK20zLJ0.jpg

Qazaqstan Jazuşylar kıtaphanasynda Halyqaralyq aqyndar PEN-klubynyŋ qazaqstandyq filialynyŋ aşyluyna orai resmi jinalys öttı. Būl – älemdık aqyndar ūiymynyŋ elımızdegı tūŋǧyş ökıldıgı.

PEN-klubtyŋ basty ūrany – «Beibıtşılık, bostandyq jäne ideia». Şara barysynda Tailandta ötken qūryltai jiynyna qatysyp, basqarma qūramyna engen aqyn, audarmaşy, şyǧystanuşy ǧalym Düken Mäsımhanūly klub jarǧysymen tanystyrdy. Sonymen qatar, ol Qazaqstandaǧy filialdyŋ töraǧasy bolyp sailandy.

Töraǧa orynbasary – aqyn, jurnalist Bauyrjan Jaqyp, töraǧa orynbasary – aqyn, Qazaqstan halqy Assambleiasynyŋ müşesı Viacheslav Vavilin. Al hatşy – aqyn, filosof, "TÜRKSOI" ūiymy bas hatşysynyŋ keŋesşısı Mūrathan Şoqan.

Basqarma müşesı retınde sailanǧandar: 

  • Ädılǧazy Qaiyrbekov

  • Mūrat Şaimaran

  • Jaras Särsek

  • Erlan Jünıs

  • Saiat Qamşyger

  • Baqytgül Babaş

  • Erbol Beiılhan

  • Aigül Jūmadıl

  • Kamil Mamukadz

  • Däuletbek Baitūrsyn

  • Bauyrjan Qaraqyz

Jinalys barysynda Halyqaralyq PEN-klub töraǧasynyŋ orynbasary Huan Iаchjoudyŋ arnaiy qūttyqtau haty oqyldy. Sondai-aq, Qyrǧyzstan Ūlttyq jazuşylar odaǧynyŋ jauapty hatşysy Yrysgül Ziiat pen Özbekstan jazuşylar odaǧynyŋ müşesı, aqyn, publisist Fahriddin Ҳaiittyŋ beineqūttyqtaular körsetıldı.

Jiynǧa qatysuşylar būl oqiǧany qazaq ädebietı üşın ülken serpılıs retınde baǧalady. Jaŋa filial aqyndar arasyndaǧy halyqaralyq bailanystardy arttyryp, qazaq poeziiasynyŋ ünın jahanǧa jetkızuge jol aşpaq.

«Būiyrsa, älem aqyndarynyŋ bas qosuynda bäsımızdı synap, jyr tuyn jelbıreter kün alda. Qazaq jyrynyŋ qanaty talmasyn!» – dep tüiındeldı jiyn soŋyndaǧy ızgı tılek.

 

Pıkırler