Abai atyndaǧy Qazaq ūlttyq pedagogikalyq universitetınıŋ Sorbonna–Qazaqstan institutynyŋ direktory, zaŋ ǧylymdarynyŋ doktory Ainūr Säbitova Fransiia Prezidentı Emmanuel Makronnyŋ jarlyǧy boiynşa Fransiianyŋ «Akademiialyq palma» ordenımen marapattaldy, dep habarlaidy "Adyrna".
Abai atyndaǧy Qazaq ūlttyq pedagogikalyq universitetınıŋ Sorbonna–Qazaqstan institutynda ötken saltanatty şarada joǧary memlekettık nagradany Qazaqstandaǧy Fransiianyŋ Tötenşe jäne Ökılettı Elşısı Silvan Gio tabystady. Orden Ainūr Säbitovanyŋ bılım beru, ǧylym jäne adam qūqyqtaryn qorǧau salasyndaǧy eleulı eŋbegın halyqaralyq deŋgeide moiyndau retınde ūsynyldy.
Räsımge Abai atyndaǧy QazŪPU rektory Bolat Tılep, QR SIM Almatydaǧy Ökıldıgınıŋ jetekşısı Janibek Äbdraşev, Fransiia Elşılıgınıŋ diplomattary, qazaqstandyq jäne fransuzdyq serıktes joǧary oqu oryndarynyŋ professor-oqytuşylary men studentterı qatysty. Sonymen qatar, QR Ǧylym jäne joǧary bılım ministrı Saiasat Nūrbek arnaiy beineqūttyqtau joldady.
Fransiianyŋ «Akademiialyq palma» ordenı – 1808 jyly Napoleon Bonapart negızın qalaǧan, bılım, ǧylym jäne mädeniet salasyndaǧy erekşe eŋbekter üşın berıletın eŋ köne memlekettık marapattardyŋ bırı. 1955 jyldan bastap ordenge ūlttyq märtebe berılıp, Prezident jarlyǧymen tabystalady.
