Janseiıt Tüimebaev türkı älemı memleketterı arasyndaǧy praktikalyq yntymaqtastyqty nyǧaitu qajettıgın aitty, dep habarlaidy "Adyrna" ūlttyq portaly.
Būl turaly ol Baku qalasynda Türkı düniesı aptalyǧy aiasynda ötken, Türkologiia sezınıŋ 100 jyldyǧyna arnalǧan halyqaralyq konferensiiada aitty.
Äl-Farabi atyndaǧy QazŪU rektordyŋ sözınşe, türkı integrasiiasy baǧytynda tarihi jetıstıkterge qol jetkızılgenımen, bügınde naqty bırlesken jobalardyŋ tapşylyǧy sezılıp otyr.
«Bırınşı Türkologiia sezınıŋ ötkenıne 100 jyl, al türkı memleketterınıŋ täuelsızdık alǧanyna şamamen 35 jyl boldy. Soǧan qaramastan, bügınge deiın bırlesken türkologiialyq jobalar tolyqqandy jüzege asyrylǧan joq», – dedı Janseiıt Tüimebaev.
Ol deklarativtı mälımdemelermen şektelmei, naqty praktikalyq qadamdarǧa köşudıŋ maŋyzdylyǧyn atap öttı. Atap aitqanda, rektor türkı memleketterı arasynda bırlesken jūmys toptaryn qūryp, ortaq ǧylymi jäne bılım beru jobalaryn ıske asyrudy ūsyndy.
