Memleket basşysy Qasym-Jomart Toqaev Şeteldık investorlar keŋesınıŋ 38-şı plenarlyq otyrysynda Qazaqstanda jasandy intellektını bılım beru jüiesıne engızu jäne adami kapitaldy damytu baǧytyndaǧy bastamalar turaly aitty, dep habarlaidy "Adyrna" ūlttyq portaly.
Prezidenttıŋ sözınşe, Qazaqstan adami kapitaldy damytuǧa jüielı türde investisiia salyp keledı. Osy baǧytta Alem.ai halyqaralyq ortalyǧynda TUMO jäne Tomorrow School jaŋa buyn mektepterı aşylǧan. Sondai-aq Telegram jäne Presight kompaniialarymen bırlesıp zamanaui zerthanalar ıske qosylǧan.
Prezident Qasym-Jomart Toqaev jaqynda qol qoiǧan Jarlyqqa säikes, jasandy intellekt orta bılım beru jüiesın jaŋǧyrtudyŋ negızgı elementıne ainalatynyn habarlady.
«Ärine, būl joba pedagogterdı almastyra almaidy, bıraq ūstazdardyŋ mümkındıgın keŋeitedı. Jarlyqta derbes oqytu tetıgın qūru, sifrlyq infraqūrylymdy nyǧaitu, normativtık-qūqyqtyq bazany jetıldıru jäne bılım beru standarttaryn jaŋǧyrtu közdelgen. Qazırgı taŋda pilottyq joba ıske qosyldy, keiın būl täjıribe respublika kölemınde engızıledı», – dedı Prezident.
Memleket basşysynyŋ aituynşa, atalǧan bastama qala men auyl mektepterı arasyndaǧy bılım sapasy alşaqtyǧyn azaityp, jasandy intellekt däuırınde ärbır balaǧa sapaly bılım aluǧa mümkındık beredı.
