Foto: Depositphotos.com
Reseide «Iаndeks» kompaniiasynyŋ üş ırı derekter ortalyǧyna dron şabuyly jasalyp, olardyŋ jūmysy būzylǧany turaly aqparat tarady. Osy oqiǧadan keiın Qazaqstandaǧy Yandex Go taksi servisınde de aqaular baiqalyp, keibır paidalanuşylar kölık şaqyra almaǧan, dep habarlaidy “Adyrna” ūlttyq portaly.
Qoldanuşylardyŋ aituynşa, qosymşada «bos kölık joq» degen habarlama şyǧyp, qyzmetke qol jetkızu qiyndaǧan. Reseidegı yqtimal tehnikalyq aqaulardyŋ Qazaqstandaǧy serviske qalai äser etkenı jäne ekı eldıŋ infraqūrylymy arasyndaǧy bailanystyŋ deŋgeiı mäselesı nazarǧa ılıktı.
Qazaqstan zaŋnamasy boiynşa, belgılı bır talaptarǧa säikes azamattardyŋ derbes derekterı el aumaǧynda saqtaluy tiıs. 2023 jyldyŋ jeltoqsanynda sol kezdegı sifrlyq damu ministrı Baǧdat Musin «Iаndeks» kompaniiasynyŋ serverlerı Qazaqstanǧa köşırılgenın jäne qyzmettıŋ osy infraqūrylym arqyly jūmys ısteitının mälımdegen bolatyn.
Sol kezde ministrlık azamattardyŋ derekterınıŋ qauıpsızdıgıne basymdyq berıletının atap ötken edı.
Būǧan qosa, 2024 jyldyŋ säuırınde kompaniia būltty qyzmetterın Qaraǧandydaǧy derekter ortalyǧyna ornalastyrǧanyn habarlaǧan. Būl şeşım jergılıktı paidalanuşylarǧa körsetıletın qyzmetterdıŋ sapasyn jaqsartuǧa baǧyttalǧany aitylǧan.
Alaida Reseidegı data-ortalyqtarǧa qatysty oqiǧadan keiın Qazaqstandaǧy Yandex Go servisınde aqaulardyŋ baiqaluy jergılıktı infraqūrylymnyŋ qanşalyqty derbes jūmys ısteitını turaly saualdardy qaita köterdı.
Threads jelısınde qazaqstandyqtar Yandex Go qosymşasynyŋ aşylmaitynyn nemese tapsyrys qabyldamaitynyn jazyp jatyr. Keibır qoldanuşylar servistıŋ basqa qyzmetterı de ıstemei qalǧanyn habarlady.
«Qazaqstandaǧy Iаndekske ne boldy? Aqyldy üi jūmys ıstemeidı, qosymşa aşylmaidy, adamdar taksi de şaqyra almai jatyr», – dep jazdy jelı qoldanuşylarynyŋ bırı.
Taǧy bır qoldanuşy taŋǧy saǧat 09:00-de ıs-şaraǧa baruy kerek ekenın aityp, taksige tapsyrys bere almai otyrǧanyna şaǧymdanǧan.
Yandex Go Kazakhstan tehnikalyq aqau bar ekenın rastady.
«Qazır kei servisterımızde tehnikalyq mäseleler tuyndap, olardyŋ jūmysy uaqytşa qiyndauy mümkın. Būl jaǧdaidan habardarmyz. Mamandarymyz servister jūmysyn mümkındıgınşe tezırek qalpyna keltıru üşın bar küşın salyp jatyr», – delıngen kompaniia habarlamasynda.
Kompaniia qolaisyzdyq üşın keşırım sūrap, jaǧdaiǧa qatysty jaŋalyqtardy resmi paraqşalarynda jariialaitynyn jetkızdı.
Sanksiiaǧa ılıkken Resei qauıpsızdık küşterınıŋ balalary soǧys kezınde şetelde qalai köŋıl köteredı?
