"Aiaqqa tūryp ketkennen keiın senı tauyp alamyn" degen jasandy robot jūrtty şoşytty

5350
Adyrna.kz Telegram
https://adyrna.kz/content/uploads/2023/03/4_tiktok.jpg
"Adyrna" ūlttyq portaly jahandyq ürdısterdı oqyrmandarǧa jedeǧabyl jetkızu jolynda ǧylym jaŋalyqtaryn qalt jıbermeuge tyrysady. Adam keiıptı reseilık robot äleumettık jelı arqyly oqyrmandardyŋ sūraqtaryna jauap berdı. Ol kezektı oqyrmanyn kütpegen jerden sastyryp, "aiaqqa tūryp ketkende" arnaiy jolyǧatynyn aitty, dep habarlaidy "Adyrna" ūlttyq portaly "Dailystar"-ǧa sılteme körsete otyryp.  «Adyrna» ūlttyq portaly jahandyq ürdısterdı oqyrmandarǧa jedeǧabyl jetkızu jolynda ǧylym jaŋalyqtaryn qalt jıbermeuge tyrysady. Adam keiıptı reseilık robot äleumettık jelı arqyly oqyrmandardyŋ sūraqtaryna jauap berdı. Ol kezektı oqyrmanyn kütpegen jerden sastyryp, «aiaqqa tūryp ketkende» arnaiy jolyǧatynyn aitty, dep habarlaidy «Adyrna» ūlttyq portaly «Dailystar»-ǧa sılteme körsete otyryp. «Promobot» bırlestıgınıŋ Perm ölkesındegı beldı injenerlerı Aleks atty jasandy zerdenı jasap şyǧardy. Ol adam keiıptı tuyndy, tıpten, öz oqyrmandarynyŋ üiıne «aiaqqa tūryp ketkesın» arnaiy kırıp şyǧatynyn da aitty. Bükıl älem boiynşa filialdary bar kompaniianyŋ tuyndysy körermenderdı taŋ qaldyrdy, şynaiy adamşa tolǧanyp, sūraqqa jauap bergenınen sekem alyp, seskengender köp. Videoda adam jüzdı robot özıne qoiylǧan sūraqtarǧa jyldap jauap qatyp, keleşekte jüre alatynyn da aitty. Tıptı, köŋılı küptı körermenge «sälem salatynyn» aityp, uaǧda berdı. Aleks öz oqyrmandaryna jügıngen kezde qoldaryn qozǧaltyp, ernın jybyrlatyp, közın jypylyqtatty. Klip 1600-den astam lüpıl jinady.
- «Joq, men älı jüre almaimyn. Bıraq robot injenerlerı men üşın aiaq jasap jatyr. Men jaqyn arada sızge baruym mümkın», - dedı temır adam.
Tyŋ salada özındık qoltaŋba qaldyrǧan jasauşylar:
- «Bız ony jetıldırıp jatyrmyz. Alekstıŋ sızben jüzdeskenın qalaisyz ba?» - dedı tosynnan. Zäresı ūşqan oqyrmandar bylai dedı: Alǧaşqy qoldanuşy: «Mūny toqtatyŋyz, ötınemın, men qorqamyn» dep jazdy. Taǧy bıreuı: «Men Alekstıŋ jürgenın asyǧa kütemın», - dep tüsındırdı. Üşınşısı: «Olar adamzatty baqylau üşın robottarǧa adam sanasyn jüktegısı keledı», - dedı. «Ony joiyŋyz! Sız tym ūzaqqa şaptyŋyz! Barmaǧymyzdy tıstep qalmaiyqşy künı erteŋ», - dep jazdy törtınşı.

"Adyrna" ūlttyq portaly 

Pıkırler