Poliseiler Qazaqstan men Resei şekaraşylary arasyndaǧy janjal turaly jalǧan videonyŋ avtoryn ūstady, - dep habarlaidy "Adyrna" tılşısı Qostanai oblysynyŋ polisiia departamentıne sılteme jasap.
«Äleumettık jelıde Qostanai oblysynyŋ şekarasynda äskeriler arasynda bolǧan janjalǧa qatysty tüsınıkteme jazylǧan äskeri kölık kolonnasynyŋ videosy tarap kettı, belgılı bolǧandai, video jalǧan bolyp şyqty.
Jedel ızdestıru ıs-şaralary barysynda Qostanai oblysynyŋ polisiia basqarmasynyŋ qyzmetkerlerı 52 jastaǧy Qostanai qalasynyŋ tūrǧynyn anyqtap, ūstady. Ol qasaqana äreket jasaǧany üşın kınäsın moiyndady», - dedı PD.
Atalǧan faktı boiynşa Qylmystyq kodekstıŋ 274-baby 2-bölıgınıŋ 3-tarmaǧy «Būqaralyq aqparat qūraldaryn nemese telekommunikasiia jelılerın paidalana otyryp, jalǧan aqparat taratu» boiynşa sotqa deiıngı tergeu bastaldy.
Polisiia jalǧan aqparat taratqany üşın qylmystyq jäne äkımşılık jauapkerşılıktı eske alyp, azamattardy aqparatty taratpastan būryn onyŋ dūrystyǧyn tekseruge şaqyrdy.
Poliseiler azamattarǧa: «qauesetterge boi aldyrmau jäne naqty emes oqiǧalardyŋ ainalasynda dürbeleŋ tuǧyzbau kerek.», - dedı.
Ūqsas jaŋalyqtar
"Būl bızge beibıtşılık äkeledı". Zelenskii jaŋa "Ruta" zymyranynyŋ synaqtary sättı ötkenın mälımdedı
