Üstımızdegı jyldyŋ säuır aiynan bastap bılım salasynda jemqorlyq deŋgeiın anyqtau maqsatynda Aqtaudaǧy 14 käsıptık-tehnikalyq bılım beru ūiymdarynyŋ studentterı arasynda saualnamalar jürgızıldı.
Al belsendı qatysqan politehnikalyq, energetikalyq, gumanitarlyq, medisinalyq, turizm, öner, şetel tılderı, «Bolaşaq», «Meiırbike», «Qainar», esep-tehnologiialyq, tehnologiialyq qyzmet körsetu, Ş.Esenov atyndaǧy Kaspii memlekettık tehnologiialar jäne injiniring universitetınıŋ köpsalaly kolledjı jäne M.Tynyşpaev atyndaǧy Aqtau kölık kolledjderın aituǧa bolady. Jeke kezdesu arqyly anonimdı türde ötken saualnamaǧa barlyǧy 2641 student qatysty.
Är türlı sūraqtarǧa san türlı jauaptar berıldı. Mäselen,«Sanaly ūrpaq – jarqyn bolaşaq» jobasynyŋ bar ekendıgın mülde bılmeitın studentter bar bolyp şyqty. Bıreuler kolledjde daiyndyq üşın emtihan sūraqtary tegın taratylmaitynyn rastasa, sybailas jemqorlyq faktılerı turaly habarlauǧa daiyn emesterı de bar.
Kolledjge tüsu kezınde para arqyly grantqa qabyldau boiynşa qyzmet ūsynylǧandyǧy, syiaqy beruge ädeiı jaǧdai jasaityn oqytuşylardyŋ aram piǧyldy mınez-qūlqynyŋ kuäsı bolǧandyǧy, emtihan kezınde oqytuşylarǧa tüskı as ūiymdastyru faktılerınıŋ oryn alǧandyǧy, oqytuşylar özderınıŋ avtorlyq kıtaptaryn satyp aluǧa mäjbürleu derekterı älı de bolsa bar ekendıgı körsetıldı.
Sondai-aq, oqytuşylar 2000 men 5000 teŋge kölemınde para alatyndyǧyn, tıptı keibır mūǧalımderdıŋ aty-jönın aşyq jazyp körsetken studentter de boldy. Jalpy öŋırdegı oqu oryndarynda sybailas jemqorlyq täuekelderınıŋ bar ekendıgı saualnama nätijesınde körındı.
Saualnama nätijesı boiynşa käsıptık-tehnikalyq bılım beru ūiymdarynyŋ basşylaryna oryn alǧan keşılıkterdı joiu boiynşa tiıstı şaralar alynyp, studentter arasynda sybailas jemqorlyqqa degen «nöldık» tözımdılık sana sezımın qalyptastyru maqsatynda «Sanaly ūrpaq – jarqyn bolaşaq» jobasy aiasynda sybailas jemqorlyqqa qarsy şaralardy jiı ūiymdastyryp tūru qajet ekendıgı turaly ūsynys engızıldı.
Jalpy Agenttıktıŋ aumaqtyq departamentımen bılım salasyndaǧy sybailas jemqorlyqtyŋ aldyn alu mäselelerı jönınde türlı jiyndar ūdaiy ötkızılıp otyrady. Būǧan deiın zaŋ būzuşylyqqa jol bergenı üşın tärtıptık jazaǧa tartylyp, tıptı qyzmetınen ketkenderı de bar. Bıraq, kez-kelgen ıs-şara maqsaty kınälılerdı tauyp jazalau emes, kerısınşe tüsındıru jūmystaryn jürgızu arqyly sybailas jemqorlyqtyŋ aldyn-alu bolyp tabylady. Iаǧni, elımızdıŋ güldenuı jolynda eŋbek etuge äzır patriot jastardy tärbielep şyǧaruǧa bılım beru ūiymdary jauapty bolsa, bızde qarap qalmaimyz jäne barlyq müddelı taraptarmen qoian-qoltyq jūmys jasauǧa daiynbyz.
Negızınen bılım salasyndaǧy sybailas jemqorlyqty aldyn-aluǧa baǧyttalǧan şaralardy ötkızudıŋ kemı joq. Konferensiialar, döŋgelek üstelder, forumdar, debat-saiystardy aitpaǧanda öŋırdegı bırqatar oqu oryndarynda «Adaldyq dükenderı» bırınen soŋ bırı aşyluda. Alǧaşqy nätijesı jemıstı dep aituǧa bolady, sebebı osy künge deiın şaǧym aitqan käsıpkerler bolǧan emes. Demek, adaldyǧyn arttyruǧa bel buǧan jastar qatary qalyptasyp keledı degen oi tüidık.
Studentterdıŋ sybailas jemqorlyqqa qarsy közqarasyn qalyptastyru jäne studenttık ortada akademiialyq adaldyq qaǧidatyn engızu maqsatynda öŋırımızdegı joǧary jäne arnauly orta oqu oryndarynda «Sanaly ūrpaq – jarqyn bolaşaq» klubtary qūrylǧany belgılı.
Sonymen qatar, «Adal jol – Chestnyi put» aksiiasy, «STOP, jemqorlyq!» atty debat saiysy, «Adal ūrpaq» teatrlandyrylǧan körınıs konkursy, «Parasyz bolaşaqqa bırge» äzıl-syqaq keşı, «Sybailas jemqorlyqpen kürestıŋ jaŋa baǧyty» atty moduldık treningı ūiymdastyrylǧan bolatyn. Atalǧan şaralardyŋ barlyǧynda da jastar belsendılık tanytqandyǧyn aitpai ketuge bolmaidy.
Tüptep kelgende, alda bılım salasyndaǧy sybailas jemqorlyq körınısterınıŋ aldyn alu arqyly mūǧalımderdıŋ märtebesın tüsırıp almauǧa jūmystanu mındetı tūr. Sondai-aq, Agenttıktıŋ 1424 Call ortalyǧyna habarlasuǧa bolatynyn jäne aumaqtyq departamentke habarlasuǧa bolatynyn ūmytpaŋyz.
Jalpy Maŋǧystau öŋırınıŋ jastary jıgerlı ärı belsendı ekendıgın tılge tiek etkendı jön sanaimyn. Onyŋ üstıne biyl «Jastar jyly». Demek, jalyndy jastarǧa senım artyp, olardyŋ terıs jolǧa tüspeuın qadaǧalauǧa buynnyŋ mındetı. Üide ata-ana, oquda ūstaz, al qoǧamda sız jäne bız bolyp nätije şyǧaruǧa asyq boluymyz qajet.
Aqyn, qazaq ädebietınıŋ jarqyn jūldyzy Maǧjan Jūmabaev «Men jastarǧa senemın» degen qanatty sözın bılmeitın qazaq joq. Endeşe, qoǧam bolyp jastarǧa seneiık ärı ümıt artaiyq, qoldaiyq!
Qairat Baigebaev,
QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Maŋǧystau oblysy boiynşa departamentı basşysynyŋ orynbasary
