Agenttık aqparat közınıŋ habarlauynşa, Maŋǧystau oblysynda ereuılge şyqqan «West Oil Software» JŞS (WOS) qyzmetkerlerı «merzımınen būryn zeinetke şyǧu» dep atalatyn «5/50» baǧdarlamasynyŋ qatysuşylary bolyp tabylady.
«West Oil» qyzmetkerlerı zaŋǧa qaişy talaptardy köteruı alǧaş ret emes. Mysaly, 2021-2022 jyldary olar özderı jūmys ısteitın kompaniiaǧa ūlttyq status berudı talap ettı. Onyŋ üstıne ereuıldeuşıler 2017-2018 jyldary «merzımınen būryn zeinetke şyǧu» – «5/50» baǧdarlamasyna qatysqan adamdar. Iаǧni, olar bes jyl būryn bırden jalaqynyŋ 50 paiyzyn alyp, jūmystan şyqqan», - dedı senbıde QazTAG redaksiiasyna jaǧdaimen tanys derekköz iesı.
Onyŋ aituynşa, osy jaǧdai Aqtaudaǧy qūrylys naryǧyn kötergen.
«Baǧdarlamaǧa qatysuşylar arasynda zeinetkerlık jasqa jaqyn adamdar ǧana emes, sonymen qatar eŋbekke qabılettı 35 jastaǧy eazamattar da boldy. Şamasy, bes jyl jūmys ıstemeuge bolady dep eseptep, baǧdarlamaǧa qatysuǧa şeşım qabyldaǧan. Olardyŋ ärqaisysy milliondaǧan qarajat aldy, bır bölıgı kölık, endı bırı Aqtauda tūrǧyn üi satyp ala bastady. Būl jerde jüzdegen adamdar turaly äŋgıme jürıp jatyr. Bır uaqytta naryqqa qanşa qarajat tüskenın elestetıp körıŋızşı – Aqtauda qūrylys bumy bastaldy, oǧan kommunikasiialyq infraqūrylym ılese almady. Aqtaudaǧy jylu men suǧa bailanysty qazırgı jaǧdai ıs jüzınde sol oqiǧalardyŋ saldary», - dedı agenttıkke sūhbat beruşı.
Sondai-aq, ol «5/50» baǧdarlamasyna qatysu erıktı bolǧanyn atap öttı.
«Eşkım eşkımdı qatysuǧa mäjbürlegen joq. Olar aqşasyn aldy. Aqyldy adamdar sol arqyly käsıp aşty. Köbısı West Oil kompaniiasyna jūmysqa ornalasty. Endı olar zaŋsyz ǧana emes, aqylǧa qonymsyz jaŋa talaptarmen ereuılge şyǧuda. Mūny köpşılık tüsınedı. Mūnaişylar arasynda özara yntymaqtastyqtyŋ myqty ekenın jaqsy bılemız. Ädıletsızdık oryn alǧan kezde keibır kompaniiadaǧy mūnaişylar bas köterse, olarǧa basqa kompaniialardyŋ mūnaişylary da qosylyp, ereuılge şyǧa bastaidy. Būl joly olai emes, öitkenı basqa kompaniialarda mūnaişylar West Oil jūmysşylarynyŋ talaptarynyŋ aqylǧa qonymsyzdyǧyn tüsınedı. Tıptı, köptegen adamdar ereuılşılerdıŋ äreketterıne degen taŋdanysyn jasyrmaidy», - dedı derekköz.
Maŋǧystau oblysynyŋ äkımdıgı QazTAG agenttıgıne West Oil Software kompaniiasynyŋ barlyq ereuılge şyqqan qyzmetkerlerı – «5/50» baǧdarlamasynyŋ qatysuşylary ekenın rastap otyr.
«2017-2018 jyldary Oil Transport Corporation JŞS (OTK) jekelegen qyzmetkerlerı taraptardyŋ kelısımı boiynşa eŋbek qatynastaryn merzımınen būryn būzu baǧdarlamasyn («5/50» baǧdarlamasy) paidalandy. Onyŋ ornyna olar bes jyldyq kezeŋdegı lauazymdyq jalaqysynyŋ 50% mölşerınde aqşalai ötemaqy aldy. Onyŋ ışınde 517 būrynǧy OTK qyzmetkerlerı WOS-qa jūmysqa ornalasty. 2023 jylǧy 1 qazandaǧy jaǧdai boiynşa WOS-ta OTK-nyŋ 454 būrynǧy qyzmetkerı jūmys ısteidı», - dep habarlady Maŋǧystau oblysy äkımdıgı.
Äkımdıkte habarlaǧandai, jalpy sany 4801 qyzmetker bosatylǧan. Bır qyzmetkerge ortaşa eseppen 11 mln teŋge, jalpy qūny 44 mlrd teŋge ötemaqy tölengen.
Oblys äkımdıgınde atap ötkendei, «WOS ştatyna auysqysy keletın jūmysşylarǧa bes jyl boiy jūmys oryndarynyŋ saqtaluyna, belgılı bır mölşerdegı jalaqy deŋgeiı men eŋ tömengı äleumettık paketke kepıldık berıldı».
«Jūmys ornynan auysu kezınde ortaşa jalaqy 235 650 teŋge bolǧan. 2021 jyldyŋ qyrküiegınde WOS qyzmetkerlerınıŋ jalaqysy 36%-ǧa ösıp, ortaşa eseppen 322 975 teŋgege jetken. Sondai-aq, äleumettık paket ekıden 18 pozisiiaǧa deiın ūlǧaitylyp, jyl saiynǧy jalaqyny indeksteu engızıldı. 2022 jyly ortaşa jalaqy 652 596 teŋgenı qūrady jäne äleumettık pakettı 18-den 30 pozisiiaǧa deiın keŋeitu turaly Ūjymdyq şart jasaldy. 2023 jyly WOS boiynşa ortaşa jalaqy 735 616 teŋgenı qūrady», - dep naqtylady oblys äkımdıgınde.
Esterıŋızge sala keteiık, būǧan deiın Maŋǧystau oblysynda «West Oil Software» JŞS qyzmetkerlerınıŋ ereuılı zaŋsyz dep tanylǧan bolatyn, al kompaniianyŋ osy jaǧdaiǧa bailanysty ūŋǧymalarda apat qaupı tuyndauy mümkın ekenın mälımdegen bolatyn.
«Adyrna» ūlttyq portaly
