Golovkinnıŋ alǧaşqy bapkerı dünieden öttı

3676
Adyrna.kz Telegram
https://adyrna.kz/content/uploads/2025/05/3636ce25-969d-4779-bd76-8c249f52a103-960x500.jpeg?token=39edcae53b86c9e7bd9745c29820ba60
Ūlttyq olimpiada komitetınıŋ prezidentı, tanymal boksşy Gennadii Golovkinnıŋ alǧaşqy bapkerı, Qazaqstan Respublikasynyŋ eŋbek sıŋırgen jattyqtyruşysy Viktor Dmitriev ömırden öttı, dep habarlaidy “Adyrna” ūlttyq portaly. Boksşy ūstazynyŋ otbasyna köŋıl aitty. “Ūlttyq olimpiada komitetı ūjymynyŋ atynan jäne jeke öz atymnan orny tolmas auyr qaiǧyǧa bailanysty şyn jürekten köŋıl aitamyn.Būl – bükıl sport qauymdastyǧy üşın ǧana emes, onyŋ şäkırtı retınde men üşın de auyr qaza. Viktor Konstantinovich tek üzdık jattyqtyruşy ǧana emes, naǧyz tälımger, ūstaz, ülgı bolatyn jan edı.Onyŋ sportqa degen adaldyǧy, käsıbilıgı jäne ärbır sportşyǧa erekşe közqaraspen qarai bıluı bızdıŋ jadymyzda mäŋgı saqtalady. Ol Qazaqstandaǧy bokstyŋ damuyna ölşeusız üles qosyp, tūtas bır daryndy sportşylar buynyn tärbielep şyǧardy.Oryn tolmas auyr qazaǧa bailanysty şyn jürekten köŋıl aitamyn. Onyŋ jarqyn beinesı jüregımızde mäŋgı saqtalady”, - delıngen köŋıl aitu jedelhatynda. Viktor Dmitriev 1953 jyly 26 şıldede Qaraǧandy qalasynda düniege kelgen. Äsker qatarynda boryşyn ötegen soŋ, tau-ken tehnikumynda bılım alyp, Kostenko atyndaǧy şahtada jūmys ıstegen. Keiın Qaraǧandy pedagogikalyq institutynyŋ «Dene şynyqtyru» fakultetın tämamdap, käsıptık-tehnikalyq uchilişede ūstazdyq ettı. 1987 jyldan bastap jattyqtyruşylyq qyzmetke bet būrdy – äuelı «Eŋbek rezervterı» sport qoǧamynda, keiın Qaraǧandynyŋ bırqatar sport ūiymdarynda eŋbek ettı. Viktor Konstantinovich 40 jyldan astam ömırın jastardy jattyqtyruǧa arnady. Ol 10-nan astam Qazaqstannyŋ sport şeberın, 20 sport şeberlıgıne ümıtkerdı tärbieledı. Şäkırtterı respublikalyq jäne halyqaralyq jarystarda jeŋıs tūǧyrynan körındı. Alaida bapker eŋbegınıŋ basty jemısı – älem chempiony Gennadii Golovkinnıŋ sport jolynyŋ bastauynda tūrǧany sözsız.
Pıkırler