1 mausym künı Ukraina Qauıpsızdık qyzmetı "Örmek" («Pautina») atauymen Reseidıŋ äskeri aviasiiasyna qarsy keŋ auqymdy operasiia jürgızgenı turaly aityldy, dep habarlaidy "Adyrna" ūlttyq portaly.
Ukrainalyq BAQ pen Telegram arnalardyŋ mälımetınşe, operasiia barysynda Murman oblysyndaǧy "Olenia" jäne İrkutsk oblysyndaǧy "Belaia" aerodromdaryna ukrain drondary şabuyl jasaǧan.
Agenttık mälımetterıne sensek, 40-tan astam reseilık strategiialyq bombalauşy ūşaqtarǧa zaqym keltırılgen. Olardyŋ qatarynda sirek qoldanylatyn ärı öndırısı toqtaǧan A-50, Tu-95 jäne Tu-22M3 ūşaqtary bar. Ziian kölemı 2 milliard dollardan asuy mümkın dep baǧalandy.
Reseilık tūrǧyndar şabuyl kezınde jarylystar men örttı baiqaǧanyn aityp jatyr. Telegram-arnalarda jük kölıgınen drondar ūşyrylǧany, jürgızuşılerdıŋ jük mazmūny turaly habarsyz bolǧany aityldy.
"Rybar" arnasynyŋ deregınşe, drondar jük kölıkterınıŋ ışınen FPV (First Person View) jüiesı arqyly ūşyrylyp, sputniktık bailanys kömegımen basqarylǧan. Arna būl şabuyldy Reseidıŋ strategiialyq aviasiialyq quatyna keltırılgen orny tolmas soqqy dep baǧalap otyr.
Resmi organdardan būl oqiǧa boiynşa äzırge tüsınıkteme berılgen joq. Alaida oqiǧa Reseidıŋ ışkı qauıpsızdık şaralaryna qatysty sūraqtar tuyndatuda.
