Japoniia bilıgı eldegı jalǧyzılıktı azamattardyŋ basyndaǧy qiyndyqty şeşu üşın arnaiy baǧdarlama qabyldap, postindustriialyq kezeŋnen keiın äleumettık dert retınde körınıs bergen jalǧyzdyqpen ūlttyq deŋgeide küresuge bel bailap otyr dep habarlaidy "Adyrna" ūlttyq portaly "knife.media" saityna sılteme jasap.
Būl baǧytta aldaǧy uaqytta elde täulık boiy jūmys ısteitın keŋes beru jüiesı qūrylady, būdan bölek, jalǧyzdyqtan japa şegıp jürgen jandar özara şüiırkelesetın, jūmys tabuǧa kömektesetın türlı sūhbattasu alaŋdary aşylady.Künşyǧys elınıŋ būqaralyq aqparat qūraldarynyŋ deregınşe, atalǧan aral eldıŋ bilıgı jalǧyzılıktı japondardyŋ naqty sanyn bılu üşın halyq sanaǧyn jürgızudı közdep otyr. Tıptı, ministrler kabinetınde jeke hatşylyq aşylǧan.
Aita ketu kerek, 2021 jyldyŋ aqpan aiynda Japoniiada jalǧyzdyq jönındegı ministrlık qūrylǧan bolatyn. Atalǧan ministrlık jalǧyzdyqpen küres şaralaryn jürgızıp qoimai, sonymen qatar, eldegı kedeilıktı qadaǧalaumen ärı qart kısılerge järdem körsetudı üilestırumen ainalysady. Qazırgı uaqytta atalmyş ministrlıkke eldegı tuu körsetkışın köteru baǧytynda jūmys ısteitın ministrlıktı basqaratyn Seiko Noda esımdı azamat jetekşılık etedı.Jalǧyzdyqpen küresuge künşyǧys elınıŋ bilıgı köptegen sebepter boiynşa baryp otyr, sonyŋ ışınde, 2020 jyly öz-özıne qol jūmsaǧandar qarasy soŋǧy 11 jylmen salystyrǧanda kürt ösıp kettı. Tek ötken jyldyŋ özınde 21 myŋdai japon azamaty suisid jasaǧan.
"Adyrna" ūlttyq portaly
