Qyrǧyzstandyq muzykant Vikram Ruzahunovqa operasiia jasaldy. Ol būl turaly özınıŋ İnstagram paraqşasynda jazdy.
"10-qaŋtar künı menı üiıme äkelgen sätte, men älı tolyq esımdı jimaǧan boluym kerek, alǧan jaraqattarym jaily naqty sezbeppın. Isıgen, jyrylǧan jerlerımdı arnaiy maimen sylap, tez jazylady dep oiladym. Aǧam Rustamnyŋ arqasynda men auruhanaǧa qaralyp, jaǧdaiymnyŋ ortaşa auyr ekenın bıldım. Naqtylap aitsam bylai: Keude tūsym jaraqattanǧan, sol jaqtaǧy V-VI qabyrǧalarym synyp ketken, sol jaq pnevmotoraksı paida bolypty, qabyrǧalar arasy aşylyp ketken, mi şaiqalǧan, denemnıŋ är jerı qantalap, ısıp ketken jäne sol jaq ökpenıŋ joǧarǧy bölıgı tynys alu qabıletınen aiyrylǧan, zaqymdanu därejesı 35%" dep jazdy ol.
Qaralyp bolǧannan keiın, ony dereu arada reanimasiiaǧa aparyp, operasiia jasalǧan. "Sol uaqyttan berı men em alyp, üş auruhana auystyrdym. Tek qana jaqyndarym men därıgerler ǧana menıŋ qalai qinalǧanymdy kördı", — deidı ol.
Ruzahunov Qazaqstanda özın qalai negızsız tūtqyndaǧanyn eske aldy. "Osy uaqytqa deiın qazaqstandyq BAQ-tyŋ sensasiialyq video arqyly aqymaq äreketı qandai effekt bergenın bılmedım, öitkenı tūtqyndau kezınde ūialy telefonymdy, barlyq zattarymdy, aqşamdy, jeke kuälıgımdı, jürgızuşı kuälıgımdı, bank kartasyn alyp kettı. Keiınnen eşteŋe qaitarylmady, bärı jūmbaq türde joǧalyp kettı", - dedı djazmen.
Ol Qazaqstanda älı de jazyqsyz ūstalyp, qamauda otyrǧan qyrǧyzstandyqtar baryn aitty. Alaida qandai da bır BAQ-qa sūhbat beruden bas tartty.
"Adyrna" ūlttyq portaly
